విద్యుతుత్పత్తి కేంద్రం - స్థల నిర్ధారణ

గౌరవనీయ  ముఖ్యమంత్రి గారు  ఈ రోజు సూర్యాపేట లో మాట్లాడుతూ చెప్పిన సూత్రం :
ఎక్కడైతే ఎక్కువ మోటార్లు వాడుకలో ఉంటాయో అక్కడే విద్యుతుత్పత్తి కేంద్రం ఉండాలి . అక్కడ బొగ్గు , నీరు , రైలు మార్గం తదితర వనరులు ఉన్నా లేకపోయినా .
60 ఏళ్లుగా పాలించిన సన్నాసులకి ఆ తెలివి తేటలు లేక, ఉత్తర తెలంగాణా లో, గోదావరి లోయలో, ఎక్కడైతే బొగ్గు, నీరు పుష్కలం గా ఉందో , ఎక్కడ రైలు మార్గం సులభమో  - NTPC, KTPS, KTPP తదితర విద్యుతుత్పత్తి కేంద్రాలు కట్టారు.
జై తెలంగాణ జై జై తెలంగాణ 

నానమ్మ

" ఈ పాలి నువ్వొచ్చే సరికి నేనుంటనో ఉండనో బిడ్డా - చాన సంబరం గుంది నిన్ను,నీ బిడ్డని చూశాలకి " - వెళ్లిన ప్రతిసారి మేము వినే మాటలు . ఆ మాటలు ఇక వినలేము అని అనుకొన్న ప్రతిసారి ఒకరకమైన బాధ. నానమ్మ పడినబాధలతో పోలిస్తే అదోకపెద్దబాధ కాదని సరిపెట్టుకోవాలి.
నేను తనతో గడిపిన సమయం, తను బతికిన 100 సంవత్సరాలతో పోలిస్తే చాలా తక్కువ. నాకున్న 38 సంవత్సరాలలో తనకి ఇది కావాలని ఎవరినీ అడిగిన గుర్తు లేదు. అంతకు ముందు తాతని ఏమన్నా అడిగి ఉంటుందా అని ఎంత అలోచించినా ఏమీ తట్టడం లేదు. నాకే కాదు - అంత పెద్ద కుటుంబం లో ఎవరికీ తట్టక పోవచ్చు.
కళ్ళజోడు  మాటిమాటికీ తీసి తుడుచుకోడం చూసి - కనపడటం లేదా అని అడిగితే తప్ప - విషయం చెప్పని మొహమాటమో, ఎదుటి వాళ్లని ఇబ్బంది పెట్టడం ఇష్టం లేని తనమో, లేక అడిగి లేదనిపించుకోవడం దేనికనే అభిమానమో అర్ధం కాదు.  ఇంతోటి 500 రూపాయల కళ్ళజోడు సరిచేయించానని 500 మందికంటే ఎక్కువ మందికే చెప్పి ఉంటుంది .  నా చిన్నప్పుడు ఊరు వెళ్ళిన ప్రతిసారి తను ఇచ్చిన 20 రూపాయలకంటే అది ఏ మాత్రం ఎక్కువ ? ఊరి నుండి మేము వచ్చాం అనగానే తను పడే హడావిడి అంతా ఇంతా కాకుండేది. ఎవడో ఒకడిని పిలిచి కొట్టుకి పంపి కోడి గుడ్డు తెప్పించి,  కూర వండి మాకు పెట్టి , తను మాత్రం జొన్నన్నం,  పచ్చడి తినేది  మా పిచ్చి నానమ్మ.
రెండే రెండు గదుల పూరింట్లో, ఉండీ ఉండని డబ్బులతో, 9 మంది పిల్లలని ఎలా పెంచిందో - ఇప్పటి వాళ్లకి ఊహకి అందని విషయం. పెంచడం మామూలుగా కాదు - అందరూ గౌరవప్రదమైన ఉద్యోగాలు, జీవితాలు అనుభవించే స్థాయికి వచ్చేలా పెంచడం.రెండు జతల బట్టలు - మనుషులంటే ప్రేమ , ఎవరినీ నొప్పించక పోవడం అనే రెండు గుణాలతో వందేళ్ళు బతికేసింది మా నానమ్మ .

రెండేళ్ళ క్రితం దీపావళి కి నా ఇంటికి వచ్చి దగ్గరుండి పండుగ చేయించింది. ఇల్లు అంతా తిరిగి చూసి ఎంత సంబర పడిందో - మనవడు పేద్ద మేడ కట్టుకు న్నాడని చాన  సంబరంగుంది నాయన అని చెంపలు నిమిరి చెప్పిన జ్ఞాపకం నాకే కాదు స్ప్పూర్తి కి కూడా గుర్తే ఉంది.
ఆ జ్ఞాపకాలు చాలు, మిగిలి పోతాయి నానమ్మా - నా మనవళ్ళ వరకూ .

మరోసారి !!!

దాదాపు ఏడేళ్ల తరువాత మళ్లీ రాద్దామని ప్రయత్నం !

ఎవడబ్బా సొమ్మని ?

అయిదేళ్లకో కొత్త ఎపిసోడ్ తో నడిచే కామెడీ సీరియల్ ప్రస్తుత ఎపిసోడ్ చివరి అంకం లో ఉన్నట్టుంది . ఒక్క ఎర్ర చొక్కాలు తప్ప అందరూ ఎగబడి వరాలు ఇచ్చేస్తున్నారు . అవి నిజం గా వరాలా? శాపాలా? పేదవాడికి అన్నీ ఉచితం గా ఇస్తాం అంటున్నారు . ఎలా ఇస్తారు? మధ్యతరగతి వాడి దగ్గర లాక్కొని పేద వాడికి పంచా? తినడానికి కిలో 2 కి బియ్యం ఇచ్చి, ఉండటానికి ఇందిరమ్మ ఇల్లు ఇచ్చి , కాళ్లు బార్లా చాపుకొని చూడటానికి కలర్ టీవి ఇచ్చి పేదవాడి జీవన ప్రమాణాలు పెంచుతున్నారా? లేక అన్నిటికి మీమీద ఆధారపడేటట్టు చేసి ,తన బతుకు తను బతికే హక్కుని లాక్కొంటున్నారా? ప్రతి ఒక్కడూ అదిస్తాం ఇదిస్తాం అనేవాడే తప్ప ఎలా ఇస్తారో, ఒక్క జె.పి తప్ప , చెప్పిన పాపాన పోలేదు . చెప్పేదేముంది సబ్సిడీ ఇస్తాం అంటారు . అంతేనా? సబ్సిడీ వలన కలిగే లోటు ని ఎలా పూడుస్తారు? ప్రభుత్వ ఆస్తులు అమ్మనయినా అమ్మాలి . లేదా అప్పులు తేవాలి. ఆస్తులు ఏదో ఒకరోజుకి తరగక తప్పవు . అప్పులు తీర్చకా తప్పదు . అప్పు ఎలా తీరుస్తారు? మళ్లీ కథ మొదటికే . పన్నులు వేయడం . పన్ను కట్టేది ఎవడు ? కొనుక్కొన్న వాడు, సంపాయించిన వాడు ...ఉరఫ్ మధ్యతరగతి వాడు . పేదవాడికి పని చూపించ గలిగితే కదా వాడి సంపాదన మీద పన్ను వేయగలిగేది . లేదా వాడు కొనుక్కొగలిగితే కదా వాడి కొనుగోళ్ల మీద పన్ను వేయ గలిగేది . రెడ్డి గారు పెద్ద ఎత్తున జలయజ్ఞం మొదలెడితే ఇన్నాళ్లకి ఒక మంచిపని చేసారు అనుకొన్నా . ప్రాజెక్టులు ప్రత్యక్షం గా పరోక్షంగా చాలా మందికి పని చూపిస్తాయన్న నమ్మకం తో . కాని ప్రాజెక్టుల వ్యయం లో సగానికి పైన లెక్కలకి మాత్రమే పరిమితం అయినట్లున్నాయి. మిగతా మొత్తం ఎవరో కొందరు పెద్ద మనుషుల జేబుల్లోకి చేరాయి .
ప్రియతమ మాజీ , నేను అర్ధ శాస్త్రం లో పట్టభద్రుడిని , నాకు తెలుసు ఎలా బడ్జెట్ వేయాలో అన్నారు . గత ఎన్నికల ముందు వరకు మీరు మీ ఆర్ధికశాస్త్ర ప్రతిభ ఉపయోగించినట్టున్నారు . ప్రస్తుతం పక్కా రాజకీయ ప్రతిభని చూపిస్తున్నారు .
ఒకరు 7 అంటే , ఒకరు 9 , మరొకరు 12... ఇది కూరగాయల మార్కెట్టు లా ఉంది తప్పితే పెజస్వామ్యం లా లేదు . ఎంతసేపు అధికారం లోకి ఎలా రావాలో అన్న ధ్యాస తప్ప ప్రజల బాగోగులు పట్టించుకొనే వాడెవడు ? మేమున్నాం అంటూ ఎర్ర జండా అక్కడక్కడ పైకి లేస్తుంది కానీ ఆ జండా కూడా ఆ తానులో ముక్కే . "ప్రతి సమస్య కి అమెరికా యే కారణం " అది వారి నినాదం . పొరుగున ఉన్న కమ్యూనిస్టు చైనా అమెరికా తో చేసే వ్యాపారం ఎంతో వాళ్లకీ తెలుసు . చైనా ఎంతగనం విదేశీ పెట్టుబడులని ప్రోత్సహిస్తుందో కూడా తెలుసు . ఓ జ్యోతిబసు, ఓ బుద్ధదేవ్ లాంటి వౄద్ద నేతలు మాత్రమే ఆ నిజాన్ని ఎందుకు ఒప్పుకోగలిగారు ? బంద్ చేయొద్దు అన్నందుకు న్యాయ వ్యవస్థ మీద నిప్పులు చెరగడం మాత్రమే యువతరపు ఎర్ర చొక్కాలకి తెలుసు అనుకోవాలా?
ఆలొచిద్దాం .. ఆలొచింప చేద్దాం .. ఈ సారి వోటేసేముందో సారి ...

అయ్యో రామా !!!

ఒకాయన , పెజా ప్రతినిధే లెండి , దేవుడి మీద కేసు వేసాడు .. ప్రస్తుత చర్చ ఆ కేసు విచారణ కి ప్రతి వాది గా ఎవరు వస్తారు కోర్టుకి అని .. అది అమెరికా లో వేసాడు కాబట్టి అంత గందరగోళం .. వాళ్లకి ఒక్కడే దేవుడు ..అదే మనకైతే మన ముక్కోటి దేవుళ్లలో ఎవరు వచ్చేవారు కోర్టుకి ? సోనియా మేడం సెలవిస్తారేమో ఫలానా దేవుణ్ణి విచారించండి అని .. లేక అగ్ని ప్రమాదాలకి అగ్ని దేవుణ్ణి , వరదలకి వరుణ దేవుణ్ణి అలా కేసుని బట్టి ఏ దేవుణ్ణి కేసులో చేర్చాలో నిర్ణయిస్తారేమో .. ఈ విషయం లో మాత్రం మనవాళ్ల ముందు చూపు భేష్ .. ఇలాంటి రోజు ఎప్పుడో ఒకరోజు వస్తుందని ముందే ఊహించి దేవలోకం లో మంచి organization chart తయారు చేసి పెట్టేసారు .. కాకపోతే ఒక చిక్కుంది ...ఆ ముక్కోటి దేవుళ్లలో లేని మన నాయక దేవుళ్లు అడ్డం తిరిగి "ఫలానా దేవుడున్నాడని ఏంటి రుజువు ? ఆయన ఆ విభాగానికి అధిపతి చేయడానికి ఆయన అర్హతలేంటి" లాంటి విలువైన ప్రశ్నలేసి పనీ పాట లేని మనలాంటి వాళ్ల విలువైన సమయం వౄధా చేయడానికి కావలసినంత వినోదం పంచే అవకాశం ఉంది ..మనకి రాముడున్నాడో లేడొ ముఖ్యం గాని అణు విద్యుత్ దేనికి ? మనసులో జ్యోతే వెలగనప్పుడు (సగటు జీవి) గదిలో లైటు వెలిగితే ఎంత వెలగకపోతే ఎంత ... అంతా మిధ్య ...
********
లాలూని జైల్లో పెట్టినప్పుడు బాధ పడ్డా... అంతలా హాస్యం పంచే నాయకుడిని కోల్పోతామే అని .. బీహార్ నుండి ఢిల్లీ కి వెళ్లాక చమక్కులు తగ్గాయే అని బాధ పడుతున్నా .. ఆ బాధ తీర్చడానికి ప్రియతమ ముఖ్యమంత్రిని ఉన్నాడో లేదో తెలియని రాముడే పంపించినట్టున్నాడు ..

రెండు పుస్తకాలు

ప్రస్తుతం బాగా అమ్ముడయ్యే అవకాశం ఉన్న పుస్తకాలు ?
1) ఇందిరా సహస్ర నామావళి
2) రాజీవ సూక్తం

వార్తలు ...

నిన్నటి జెమిని వార్తా విశేషాలు :
1) నిందితుని ఊహా చిత్రం విడుదల
2) నిమ్మకూరు లో రిసెప్షన్
3) నాగార్జున పుట్టినరోజు వేడుకలు

ఇంతకు మించి పెద్దగా చెప్పుకోదగ్గ వార్తలేమీ లేవా?

...

మార్పు

జయ ప్రకాష్ నారాయణ( లోక్ సత్తా), శ్రీరాం ...వీరు స్పందించిన తీరు సమాజం లో మార్పు మీద నమ్మకం కలిగిస్తుంది ...

సాంకేతికం

ఎప్పటి నుండో ఒక ఆలోచన .. పద్మ లో ఉన్న javascript ని blogger template లో వాడి , post body తెలుగు కి మార్పు సాధ్యమా? కాదా? నాకైతే సాధ్యమే అనిపిస్తుంది .. template customization చేసుకోడం అందరికి తెలిసిన విషయమే కదా ..
మరో విషయం ..దీనికి పైన ప్రస్తావించిన దానికీ సంబంధం లేదు .. ఇంటర్వూలు చేసేప్పుడు ఒకోసారి నవ్వు, ఒకోసారి కోపం వస్తూ ఉంటాయి .. అయ్యలూ అమ్మలూ మీరు resume లో రాసిన దాని గురించి సరిగా తెలుసుకొని ఇంటర్వ్యూకి రండి అని అరిచి చెప్పాలని అనిపిస్తుంది .. కాస్తొ కూస్తో మనగురించి మనం పొగుడుకోడం తప్పులేదు ...కాని 5 సంవత్సరాలు experience అని పెట్టి , class కి object కి తేడా తెలియదు అంటే వినడానికి బావోదు కదా ..

"పోరాడితే పోయేది?" - ప్రాణాలు

ప్రతీ వాడూ బషీర్ బాగ్ , నందిగ్రాం గురించి అడిగేవాడే .. అంతేతప్ప ప్రస్తుతం ప్రాణం పోయిన వారి గురించి ఆలోచించేదెవడు ? ఉద్యమం లో ప్రాణం ఎప్పుడూ పేద వాడిదే ఎందుకు పోతుంది? ముందుండి నడిపించేవాడు నాయకుడు అయి ఉంటే ముందు నాయకుడు కదా పోవాల్సింది ? మరో సారి ౠజువు చేసారు .. ఉద్యమం తప్ప లక్ష్యం ముఖ్యం కాదు అని .. ఇంతకీ సాధించింది ఏంటి? బషీర్ బాగ్ కాల్పులకి కరెంటు చార్జీలు తగ్గాయా? నందిగ్రాం కాల్పులకి టాటాల కర్మాగారం రాకుండా పోయిందా? పోయేదీ , పోతున్నదీ పేదవాడి ప్రాణం ... "పోరాడితే పోయేది సంకెళ్లు" కాదు ...ప్రాణాలు .. అవికూడా .. అమాయక ప్రజలవి ..

అ.అ.ఆ - భా.ప్ర.బి

నిన్న రాయలనుకొన్న మిగతా భాగం ....
2020 ఒకానొక రోజు ..ఏ రోజనేది అనవసరం ..పనేమీ లేక ఖాళీగా ఉన్న అ.అ.ఆ( అమెరికా అధ్యక్ష పీఠం మీదున్న ఆంధ్రుడు) భా.ప్ర.బి( భారత ప్రధాని బిల్) తో పిచ్చాపాటిగా వీడియో కాన్ఫరెన్సు లో ...
అ.అ.ఆ : హలో బిల్ .. ఎలా ఉంది భారతం ?
భా.ప్ర.బి : ఏదో ఉంది .. చేతులు కట్టి పడేసినట్టుంది .. చేయడానికి యుద్దాలే లేవు .. ఈ భారతీయులు ఇంత శాంతి కామకులేంటో .. అప్పట్లో ఇరాకు, ఇరాను ,క్యూబా లుండేవి ..ఇప్పుడవి లేవు ..కనీసం పాకిస్తానుతో నయినా చేద్దాం అంటే ..మాటలే తప్పితే చేతలు దాకా వచ్చేలా లేదు ..
అ.అ.ఆ: భారత్ లో అంతే ... మా వాళ్లు వాళ్లళ్లో వాళ్లు కొట్లాడుకొంటారు ..ఖమ్మం జిల్లా వాళ్లు ప్రత్యేక రాష్ట్రం ...తెలంగాణా తెలుగుకి ప్రాచీన హోదా ....వగైరాలు ఉంటాయి కద ..ఆవిధంగా ముందుకెళ్లాలి మరి ..
భా.ప్ర.బి: అది ఉందనుకో ..ఈ కమ్యునిస్టుల సంగతేంటి .. నెలకో కొత్త ఉద్యమం అంటారు ?
అ.అ.ఆ: అది మామూలే ... వాళ్లకి ఉద్యమం ముఖ్యం .. లక్ష్యం కన్నా ... మనకి లాభించేది అయితే మన పాలన లేని చోట వాళ్లతో కలిసి పోరాడటమే.. మనం పాలనో ఉన్న చోట వాళ్ల ఒత్తిడికి కొంచెం తలొగ్గినట్టు నటిస్తూ ముందుకు పోవాలి ...
బా.ప్ర.బి : అంతే నంటావా ...సరే నీ సంగతేంటి ?
అ.అ.ఆ : ఇక్కడ కూడా అదే పరిస్థితి .. జన్మ భూమి, ప్రజల వద్దకు పాలన, వెలుగు ,దీపం వగైరాలు చేపట్టి ముందుకు పోదాం అంటే ఆ అవకాశమే లేకుండా చేసారుగా .. వినూత్నం గా చంద్రమండలానికి రోడ్డు వేసి ముందుకు పోదామనుకోటున్నాం ..విజన్ 2050 లో అదొక కార్యక్రమం ..అలాగే ఇక్కడి రైతన్నలు I.T ఫలాలు పండిచడమనే మరొక కార్యక్రమం చేపడుతున్నా ....

అమెరికా అధ్యక్ష పీఠం మీద తెలుగు వాడు

2020 .. అమెరికా అధ్యక్ష పీఠం మీద తెలుగు వాడు ..2007 తానా సభల్లో చెప్పుకొన్నట్టు ..ఆ తెలుగువాడు మరొవరో కాదు .. C.B నాయ్డు .. అవును రోజుకి పద్దెనిమిది గంటలు కష్టపడి పనిచేసే CBN .. vision 2020 కోసం రోజుకి పద్దెనిమిది గంటలు పనిచేసిన CBN ...చేయడానికి పనేమీ లేక చిరాగ్గా ఉంది ...కరెంటు కష్టాలు లేవు..పోనీ జన్మ భూమి లాంటి ప్రజాదరణ పొందే పధకం మొదలెడదామా అంటే చెరువుల్లో పూడికే లేదు ...నీళ్లు పుష్కలంగా ఉన్నాయి .. రోడ్లేఇద్దామా అంటే ఆ అవసరమే లేదులా ఉంది .. పనికి ఆహార పధకం అవసరమే లేదు .. పోని సరదాగా రెడ్డి గారిని కవ్విద్దాం అంటే ఆయన ఇంకా ఆంధ్రా లోనే ఉండి ప్రోజెక్టుల మీద ప్రోజెక్టులు మొదలెడుతూ ( పూర్తి చేస్తారేమో అని జనం ఎదురు చూస్తూనే ఉన్నారనుకోండి ) బిజీ గా ఉన్నాడు .. ఏదో ఒకటి చేయాలి ..లేకపోతే రోజుకి పద్దెనిమిది గంటల వ్రతం చెడిపోయేలా ఉంది .. కానీ ఏం చేయాలో అర్ధం కావడం లేదు ...
ఏం చేస్తాడో ?

టూకీగా కొన్ని ???

శ్రీమతి & శ్రీ దగ్గుపాటి రామారావు గారి కుటుంబమా? కాదా?
తెరాస , కాంగ్రెస్సు రాసుకొంటే తెలంగాణా రాలిందా?
కాంగ్రెస్సు , ఎర్రజండాలు రాసుకొంటే పోలవరం ఆగిందా?

టూకీగా

మంత్రిపదవి ఎందుకు?
ఇంట్లో పెళ్ళాం , పిల్లల మోజు తీర్చడానికి ..
ఉప్పనూతల గారి ఉవాచ

పునరంకితం

పునరంకితం ఎవరు దేనికి అవుతున్నారో అర్ధం కాకుండా ఉంది ... రెండేళ్లలో రెండున్నర లక్షల ఉద్యోగాలు సౄష్టిస్తామని అన్నారని గుర్తు ... రెండున్నర లక్షల ఉద్యోగాలేమో గాని రెండువందల యాభై వరకు పదవులు మాత్రం తయారు చేసి పంచి పెట్టారు ...మండలితో కలుపుకొని ... మరి ముఖ్యమంత్రి, కొందరు ప్రముఖులే పునరంకితం అయితే పెజా సేవ లో వెనకబడి పోతారు కదా .. పునరంకితం అయ్యే అవకాశం అందరికీ కల్పించడం నిజంగా ముదావహం ...పనిలో పనిగా పాతబస్తీలో అల్లర్లు చేసే మూక కూడా వారి పనికి పునరంకితం అవుతున్నట్లున్నారు .. పాతబస్తీ అల్లర్లు కాంగ్రెస్సు అధికారం లో ఉన్నప్పుడే ఎందుకు జరుగుతాయో ...

టూకీగా

భార్యా భర్తల మధ్య మాటలు లేనప్పుడు - ఇంట్లో గిన్నెలు , తపాలాలు మాట్లాడతాయి :)

చదువు

ఏంటబ్బా ఇంకా మనవాళ్లు వెనకబడి ఉన్నారు అనుకొంటున్నా -- తెచ్చేసారు కొత్త చట్టం - పిల్లలని కొడితే జైలు --- భేష్
" అసలు సంస్కారం ఉండాలి .చదువుకొనే ఆసక్తి ఉండాలి .చదువుని ఎంజాయ్ చేయాలి .రాత , అట్టానే చదువు అట్టానే ఉండాలి .రాయడం ఒక అనుభవం , మనం ఏదైనా సరే మనుసుని వికసింపచేసేది , అసలు మనసుని ఆహ్లాద పెట్టేది ఏది చెప్పినా అది గొప్ప లిటరేచర్ అయిపోవాలి ఆ చదివేవాళ్లకి గూడా అబ్బా! ఈ పుస్తకం ఇవాళ చదవాల్సి వచ్చిందే, ఏం కర్మం పట్టిందని తెల్లారగట్టే లేచి కూచొని చదివేట్టుగా ఉండకూడదు. తక్కిన సంతోషాలు లోకంలో ఉండవూ. ఆవిధంగానే తను ఎంజాయ్ చేసేటటువంటి ఒక విషయంగా ఉండాలి చదువు అంటే.బడి ఉంటుంది , దాంటో పాఠాలు అక్కర్లేదు . మనం కావలసిన కధల పుస్తకాలో, నవలలో, ప్రయాణపు కధల పుస్తకాలో , ఇవన్నీ కూడా చదువుకునేందుకు ఉపయోగపడాలి . గొప్ప కవిత్వం తెలుసుకోవాలి . ఎంతసేపటికి ఈ క్లాస్ పాస్ అయి పైక్లాస్ ని ఎట్టా పోవాలి? అందులో కూడా తను క్లాస్ సంపాయించాలి. తక్కిన వాళ్లతో పోటీబడి తను ప్రధముడై రావాలి . తను ఏ విధంగా వచ్చినా సరే, దాని కోసం ఎన్ని సంవత్సరాలు ప్రజల జీవితాలు కాలిపోతున్నాయో చూడండి. పుట్టినప్పటినుంచి రెండో ఏడో, మూడో, పదో ఎప్పుడు వస్తుందా? వీణ్ణి ఎట్టా తోద్దామా? అని చూస్తో ఉంటారు.అక్కడనుండి చదువు చదువు అని రోజల్లా చదువే . రాత్రల్లా చదువే . ఊరికే చదవడమే పని . జీవితమంతా వౄధాయే కదా !
కానీ బుద్ధీమంతులు నలుగురూ కూచొని అన్ని పద్ధతుల్ని తిట్టినట్టే ఈ చదువుల్లో నిజంగా ఏది అవసరం? ఏది నిజంగా ప్రజలకి ఉత్తేజం కలిగిస్తోంది ? వీళ్ల బతుకుల్ని ఏది వికాసం చేస్తుంది? ఈ విధమైన చదువుల్ని మాత్రమే ఉంచి తక్కిన వాటిని తీసేయ్యాలి అని చర్చించుకోవాలి। ఎక్కడా బడి అంటే బలవంతం ఉండకూడదు . ఎక్కడన్నా ఓ ధర్మశాల పెట్టి మంచి భోజనాలు పెడుతున్నారనుకోండి . అందరూ పరిగెత్తరా అక్కడికి? ఎవరన్నా గెంటాలా అక్కడికి పొమ్మని? అట్టానే చదువులు కూడా . పాఠశాలలనేవి అందరికీ తెరిచి ఉండాలి , ఈ లోకమే తెరిచి ఉన్నట్టు . ఎవరికి ఏ విధమైన సంస్కారం కావాలో, ఎవరికి ఇక్కడ చెప్పే సంగతులు ఎవరిలో గొప్ప సంతోషాన్ని, ఉత్తేజాన్ని ఇస్తాయో వాళ్లందరూ రండి ఊరికే వొచ్చి కూచొని వినండి . గుళ్లల్లో సత్రాల్లో ఎక్కడన్నా పురాణం చెపుతుంటారు .ఇష్టమైన వాళ్లందరూ వినడం లేదూ? ఆ విధంగా చెప్పాలి చదువంతా .ఎవరన్నా ఒచ్చి చదవొచ్చు . ఎవరన్నా దాన్ని స్వీకరించి అర్ధ యుక్తం చేసుకోవచ్చు .ఇప్పుడు క్రమంగా ఈ దేశంలో మొదటినుంచి చివరి వరకు చదువు రెజిమెంటేషన్ గా మారిపోబోతోంది . ప్రస్తుతం విధ్యావిధానం రాజకీయాలతో అంకితమై పోయింది . తక్కిన దేశాలకన్న స్వదేశంనించి ఎక్కువ విధ్యాధికులు కావాలనే పంతం పెరిగింది . ఈ కాలేజీ లో చదువుకున్న కొద్దిమంది యువకులు ఎక్కువ సమర్ధులవుతారనే విశ్వాసం హెచ్చింది . ఆ కాలేజీలో యూనివర్సిటీలో భోధించే సబ్జెక్ట్సు కూడా ఇతర దేశాలమీద దౄష్టి పెట్టుకొనే ఏర్పరుస్తున్నారు . కనుక రాజకీయ విధానం మారితేనే గాని విధ్యా విధానం మారదు . "
--- చలం - "చలం" లో 1972 లో ...
ముందు చదువు చెప్పే విధానంలో పక్క వాడిని అనుకరించితే మంచిదేమో? " మళ్ళీ బడికి" "అక్షరజ్యోతి" "నిర్బంధ విధ్య " లాంటి అర్దం పర్ధం లేని కార్యక్రమాలు ,ఇలాంటి ఎవడూ లెక్క చేయని చట్టాలు చేసే బదులు ?

దేవుని పరిపాలన

దేవుని పరిపాలన అంటే ఏంటో అనుకొనేవాడిని - ఇప్పుడు కొంచెం అర్ధం అయింది - తప్పులు చేయనివ్వు - విచారణ కి ఆదేశించు - తప్పు ౠజువైతే క్షమాభిక్ష పెట్టు - ఈ లెక్కన ఎవడూ తప్పు చేయనట్టే కదా - తప్పులే జరగని లోకం దేవలోకమే(?) కదా - అదన్నమాట సంగతి .

బ్లాగరు కోసం ఒక టూల్‌ !!!

ఇవాళ ఓ రెండు గంటలు కూచొని " పద్మ లేఖిని" ని తయారు చేసా... నాగార్జున వెన్న గారిని అడిగి ఎప్పుడో సంపాయించిన జావా స్క్రిప్టు ఉపయోగించా .... ఈ టూలుతో తెలుగులో రాసి బటను నొక్కి బ్లాగరులో పోస్టు చేయొచ్చు ... ఇంకా చాలా మార్పులు చేసే అవకాశం ఉంది .. కాని సమయమే లేదు ... ఎవరికైనా ఓపిక ఉంటే సంప్రదించండి ... ఇదేమీ కష్టమయిన పని కూడా కాదు ...

జిందాతలిస్మాత్

నా చిన్నప్పుడు మా హిందీ మాస్టారు ఏదడిగినా ఒకటే సమాధానం చెప్తే ,జిందాతిలిస్మాత్ ప్రకటన చదివి నవ్వించేవారు ...ఇప్పుడు సరిగా గుర్తు లేదు కానీ , భలేగా నవ్వొచ్చేది ఆయన హిందీలో ఆపకుండా ; "తలనొప్పి ,పంటినొప్పి, దవడనొప్పి , కంటినొప్పి, కడుపునొప్పి , నడుంనొప్పి, ఇంకా ఏ నొప్పికైనా, వాడండి - జిందా తిలిస్మాత్ " - అని అరిస్తే ... ఆ వెనువెంటనే పడే బెత్తం దెబ్బలకి ఏడుపు కూడా వచ్చేదనుకోండి ...అది వేరే విషయం .. ప్రియతమ ముఖ్యమంత్రి గారు ఏదడిగినా " నాకు తెలియకుండా జరిగింది " అంటూ ఉంటే నాకు జిందాతలిస్మాత్ గుర్తొచ్చింది

బ్రాహ్మీ ముహుర్తం

తెల్లారుజామున యోగా ,ధ్యానం చేస్తే బెమ్మాండమయిన ఆలోచనలొస్తాయని ప్రియతమ ముఖ్యమంత్రి సెలవిచ్చారు . దానర్ధం మిగతా వారందర్నీ ఆ పని చేయమనేమో ..ప్రియతమ మాజీ ముఖ్యమంత్రి గారు కూడా ఇట్టాంటి అమూల్యమయిన అభిప్రాయం వెలిబుచ్చారని గుర్తు ..ఆయనో అడుగు ముందుకేసి తమ్ముళ్లందరికి యోగా తరగతులు కూడా నిర్వహించిన గుర్తు ..ఏమో ఈ నాయకులు మాటలు చేతలు నిముషానికి ఒకటి ఉంటే ఎవడేమన్నాడో ఎవడికి గుర్తు ...పాపం ఆ బాధ నుండి తప్పించడానికేనేమో నువ్వు అది చేసావ్ , ఇది చేయలేదు అని ప్రస్తుతాలు మాజీలకి అనుక్షణం గుర్తు చేయడం..అంతేతప్పితే తామేంచేస్తామో ఎవడూ చెప్పేలా లేడు ..అన్నట్టు సదరు బ్రాహ్మీ ముహుర్తంలో వచ్చిన ఒకానొక బెమ్మాండమయిన ఆలోచన "ఇందిరమ్మ చెరువులు" అని ముఖ్యమంత్రిగారు సెలవిచ్చారు ..అప్పుడెప్పుడో బాబు గారు "నీరు - మీరు" అనో ఇంకేదో పేరుతోనో ఇట్టాంటిదే ఏదో పధకం దిగ్విజయంగా ( ఆయన దౄష్టి లో ) నిర్వహించినట్టున్నారే ..కాస్త కాస్త గుర్తొస్తుంది ..నే చెప్పలా వీళ్లు వాళ్లని గుర్తు చేస్తారని ..ఇంకో అధ్బుతమయిన ఆలోచన ..బొగ్గు ని విద్యుత్తు ఉత్పత్తి కి వాడాలని ...తద్వారా నీటి ని ఆదా చేయొచ్చని ..పనిలో పనిగా నల్లగా ఉండటం వలన బాబుకి బొగ్గు నచ్చలేదని చురక ..బొగ్గు అనేది ఒకసారి వాడితే మరలా మరలా భూమిలో తయారు కాదు ....కొన్నాళ్లకి బొగ్గు అడుక్కోవలసి రావడం ఖాయం ..కానీ నీరు అలా కాదేమో కదా ..ఆ మాత్రం ఆలోచన ప్రియతమ ముఖ్యమంత్రి గారికి , బ్రహ్మీ ముహూర్తంలో , వచ్చి ఉండదా? ఏమో ఆయన అదికూడా ఆలోచించి ఉంటారేమో ..బుద్ది లేని , కాదు కాదు , విచక్షణ లేని వాళ్లం మనకేం తెలుసు ..

త్యాగమూర్తులు

ఆ మధ్య దేశంలో కోట్లకి పడగలెత్తిన వారి జాబితా ఒకటి ప్రచురించారు ..గత పదేళ్లుగా ఆ జాబితాలో చేరేవారి సంఖ్య పెరుగుతూ వస్తుందని చదివి సంతోష పడ్డా .. వెనకబడ్డ దేశమో అని అరిగిపోయిన గ్రామఫోను ని పాడేసి కొత్త i-pod ( తెలుగు తర్జుమా చేయలేదు ఇంకా ఎవరూ) లో i-tune విన్నట్టనిపించిది ... కానీ ఇప్పుడనిపిస్తుంది ... త్యాగమూర్తుల జాబితా తయారు చేస్తే ఇంకా బావుండేదేమో అని ...మొదట మేడం సోనియా ..రెండు మన ప్రిఅయతమ ముఖ్యమంత్రి గారు .. డబ్బు సంపాయించడం ఏముంది ..కాస్త తెలివి , కష్టపడితే ఇవాల్టికి కాకపోతే ఎప్పుడో ఒకప్పుడు అ జాబితాలో చోటు సంపాయించొచ్చు ..కానీ సంపాయించిన దాన్ని ( ఎలా సంపాయించారు అన్నది పక్కన పెడితే) తౄణప్రాయంగా వదిలేయడం అనేది చాలా గొప్పది ..కష్టమయిందీనూ ..జాబితాలో మూడో స్థానం దక్కాల్సిన బొత్స బాబుకి ఆ అవకాశం కొద్దిలో తప్పిపోయింది ...

గత రెండున్నరేళ్లుగా ఆంధ్ర ప్రజలకి కాలక్షేపం :

ఉచిత విద్యుత్తు మీద రాద్దంతం
జల యగ్నం లో అవకతవకలు
సీమ లో రాజకీయ హత్యలు
హత్యకు పర్యవసానంగా ఉప ఎన్నిక
దేవుని మాణ్యాల ఆక్రమణలు
మునిసిపాలిటీ ఎన్నికలు
వోక్సువ్యాగన్ భాగోతం
నక్సలైట్లతో చర్చలు
క్షమభిక్షల పై క్షమాపణలు
అవుటరు రింగురోడ్డు పై అరుపులు
తెలంగాణా ఉప ఎన్నిక
భూముల అప్పగింత
.
.
.
పనికొచ్చె పని ఒక్కటన్నా ఉందా పై వాటిల్లో?

క్షమాభిక్ష

క్షమాభిక్ష - తెలుగు బాష లో ఆ పదం ఒక్కటే ప్రియతమ ముఖ్యమంత్రి గారికి నచ్చనిది ప్రస్తుతం ...అయినా అందరూ తెగ రెచ్చిపోతున్నారు ...అంతగా కాని పని ఏమి చేసాడు ఆయన మాత్రం ..ముగ్గురికి సహాయం కార్యకమంలా ప్రియతమ ముఖ్యమంత్రి ఆయనకి తగ్గట్టు పెద్ద ఎత్తున సదరు కార్యక్రమాన్ని నడుపుతున్నారు ...ప్రచారానికి దూరంగా ఉండటం ఆయన నైజం కనుక ఆ విషయం జనానికి అంతగా తెలియలేదు ...ఆయన చేసిన అసలు తప్పు సదరు కార్యక్రమానికి ముందర "రాజీవ్ " లేదా "ఇందిర" పేరు తగిలించి దానికి తగిన ప్రచారం కల్పించక పోడం ..ఓ పక్క కోర్టు ఈ విషయం లో ఎడాపెడా వాయించినా , తెల్లారి , మైనార్టీ లకి హామీ ..కోర్టు లో పోరాడి వారికి సహాయ పడతానని ...పత్రికలు మొట్టికాయలు అని మనుషలని ఎత్తిపొడుస్తున్నాయి ...రాళ్ల వర్షం అని దున్నపోతులని నొప్పించడం ఇష్టం లేక కావొచ్చు ...మైనార్టీల కష్ట సుఖాలు తెలుసుకోడానికే కరీంనగరులో ఇఫ్తారు కి హాజరయారట ...రాబోయే ఎన్నికల కోసం అనుకునేరు ..కానేకాదు ..కావాలంటే ఆయన మనస్సాక్షి ని అడగండి ...అసలయినా తప్పు ప్రియతమ ముఖ్యమంత్రి గారిదో, ఆయన మంత్రివర్గానిదో కాదు ...కె సి ఆర్ అనబడే మనిషిది ..ఎవడిష్టం వచ్చినట్టు వాడు , తనకి బోరు కొట్టినప్పుడల్లా రాజీనామాలు చేస్తుంటే జనానికి కూడా చిర్రెత్తి ఓటేయడం మానేస్తారు ..ఓ మర్చిపోయా ''ఆయనే ఉంటే మంగలెందుకని " ...
ఇది రెండో సారి నేను రాయడం ,శ్రీధర్ బొమ్మ వేయడం ఒకేరోజు :)

సౌజన్యం : ఈనాడు

చలం

చీకటి నీళ్ల మీద కమ్మేసిన సమయాన.తామరాకులు నీటి మీద పరచుకొని నిద్రపోతున్నాయి...గాలి వొచ్చి ఆకుల్ని ఒక మూల ఎత్తి పలకరిస్తే అలసి కళ్ళు మూతలు పడ్డ ప్రియురాలి వలె ప్రేమతో తప్పించుకొని మళ్లీ పడుకొంటున్నాయి అవి ...

ఉదయ సూర్యుడు నేర్పుగల ప్రియుడివలె యీ చెరువు మధ్య తామర మొగ్గల చివరల్ని కిరణపు కొనలతో తాకి, యెర్రబారేట్టు పులకరింప చేస్తున్నాడు ..
ఫాల్గుణ మాసపు మధ్యాహ్నం వేదిగా ఉన్నానా, చల్లగా ఉన్నానా అని సందేహించేసోమరి గాలి, విచ్చని మల్లెపూల పసి తెల్లదనం, వాటిలో దాక్కుని నిద్రబోతూఉన్న పరిమళాన్ని సూచించే పచ్చి వాసన గిన్నెలో నీళ్ల చల్లదనం...
.
ఎండాకాలపు దక్షిణగాలి, తెల్లారకట్ట అలసటనిద్ర,కోవిల అరుపు- లేవ వద్దనే ప్రియురాలి గట్టి కౌగిలి , మల్లెపూల పరిమళం --అన్నీ ఒకటిగా కలిసి జ్ణాపకం వస్తాయి--లోకం సారవిహీనమని అధైర్య పడినప్పుడల్లా.

అందమైన ఉదయం, పెద్ద చెట్లు ఆకాశం కనపడకుండా రోడ్డు పక్కనీచి నెత్తి మీద కలుసుకోడం చేత వాటి ఆకుల్లోంచి లోపలికి వచ్చే కాంతి రకరకాల రంగులతో కళ్లకి శాంతినిస్తోంది ...

భూమిని, సూర్యుడు కాల్చిన స్థలాల,మానవుడు తవ్విన ప్రదేశాల, గాయాల్ని యీ కొత్త పచ్చగడ్డి కప్పి వోదార్చింది.ఈ వానలకి ఎడారిలాగైపోయిన యీ సీమ కొత్త అందాలతో కలకల లాడుతోంది .చివరికి యీ బురద తాలూకా కూడా, ఏమీ ఆకర్షణ లేదనుకొన్న భార్య ఒక రోజు ఆకుపచ్చ చీర కట్టుకొని ఎన్నడూ లేని శ్రుంగారాన్ని ఎరువు తెచ్చుకున్నట్టుంది...

---- మ్యూజింగ్స్ నుండి

ముంబయి

బొంబాయి ఉలిక్కి పడింది ....కొన్ని గంటల్లో సర్దుకొంది ...కొన్ని చోట్ల అసలేమీ జరగనట్టు జనం తమ తమ పనుల్లో మునిగి పోయారు ...పక్క రాష్ట్రాల్లో అసలా విషయమే పట్టనట్టు అంతకంటే ముఖ్యమైన పనులు చక్కబెట్టటం లో హడావిడి గా ఉన్నారు ...ఉదాహరణ కి మండల ఎన్నికలు ...
ముంబయి లో బాంబు పేలితే న్యూయార్కు లో రైళ్లు ఓ సారి ఆగాయి ...ముందు జాగ్రత్త చర్యలు ...పెరిగిన గస్తీలు ...షికాగో లో రైలు పట్టాలు తప్పితే జనం పరుగులు ...అక్కడనుండి దూరంగా పారిపోవడానికి ...అదీ టెర్రరిస్టుల పనేనేమో అని భయంతో ...
భారతావని లో ఇదేమీ మొదటి సారి కాదు ఇలాంటి దురాగతం జరగటం ...కానీ ఎన్నడూ లేనిది ..ఈసారి ఎంచేత ఒకరి తరువాత ఒకరు ఖండించడాలు? బ్లెయిర్ , రైస్, ఖార్జాయ్, ముషరఫ్ ...ఒకప్పుడు కాశ్మీర్ లో ఉన్నది ఉగ్రవాదులు అంటే వినీ విననట్టున్న ఇవే దేశాలు ఇవాళ ఉన్నట్టుండి కళ్లు తెరిచాయేంటో?
ఇక మన నాయకులు ...షరా మాములే ...ఖండించడాలు , నిందించడాలు ...శివరాజ్ పాటిల్ గారు మాడం సోనియాకు పరిస్థితి నివేదించారట ...భేష్...వచ్చే ఎన్నికలలో టికెట్టు ఖాయం ...CNN వాడు మొట్ట మొదటగా దౄశ్యాలను ప్రసారం చేసాడట ...కాలరు ఎగరేయలేక కష్టాలు పడుతున్నాడు ..
ఇద్దరే ఇద్దరు ...ఎగేసుకొంటూ వచ్చే నాయకులని రావొద్దు అని సున్నితంగా చెప్పిన శరద్ పవార్...రెండో వారు ...వెంటనే స్పందించిన సామాన్య ప్రజలు ..బాంబు పేలగానే ఎక్కడివక్కడ వదిలేసి పరుగులు తీయకుండా (విదేశంలో లా) , ప్రభుత్వం పంపే సహాయం కోసం ఎదురు చూడకుండా ,రంగంలోకి దిగి సహాయం చేసిన ప్రజ,వర్షంలో తడుస్తూ కూడా ఆసుపత్రినుంచి ఆసుపత్రికి రక్తాన్ని ఇవ్వడానికి తిరిగిన సామాన్య ప్రజ ...mumbaihelp.blogspot.com లో తమకి చేతయిన సాయం చేస్తున్న సామాన్య జనం ॥।

టూకీగా ...

రిజర్వేషన్ల గురించి రాయమన్నారు ..

మన్మోహన్ బుష్ తో : వచ్చే ఏడాది మేము భారతీయులని చంద్రుని పైకి పంపుతున్నాం

బుష్ : వావ్ ...ఎందరిని?

మన్మోహన్ : 100 - 25 ఓబీసీ, 25 ఎస్ సి , 20 ఎస్ టి , 5 వికలాంగులు,5 క్రీడాకారులు , 5 తీవ్రవాద పీడితులు,5 కాశ్మీరు నుండి వలస వచ్చిన వారు ,9 రాజకీయ నాయకులు , వీలైతే ఒక వ్యోమగామి ...


సౌజన్యం : మిత్రుడు జగ్గూ

టూకీగా ...

ఆంధ్ర లో ఉన్న అమ్మమ్మ " మాకు ఇక్కడ మంచి మామిడికాయలు వస్తున్నాయి గా "
అమెరికాలో ఉన్న మనవరాలు " మ్యాంగో లకి కాళ్ళు ఉంటాయా? ఎలా వస్తాయి?"

పురుగు కుట్టిందోచ్ ...

నేను చదివిన ఒక పుస్తకం - దీన్ని పుస్తకం అనొచ్చో లేదో - చలం మ్యూజింగ్స్ - దీనితో పాటు దాదాపు చలం రాసిన పుస్తకాలన్నీ చదివా .. కానీ వాటన్నిటికీ దీనికీ పోలికే లేదు ..నాకు కనిపించలేదు .. నేననుకోడం ఆ పుస్తకాలన్నీ దాదాపు ఒకే అంశం చుట్టూ తిరుగడం వలనేమో ...మ్యూజింగ్స్ చలం ఆలోచనలని మన ముందు ఉంచుతుంది ...చలం అలోచనలు , ఆలోచనా విధానం మనకు నచ్చక పోవచ్చు ..కానీ మనకి నచ్చలేదు అన్న విషయం చదివినంత సేపు తట్టనివ్వకుండా రాస్తాడు .. అది చలం గొప్పతనం అని నా అభిప్రాయం ..ఆ .వర్ణన అతనొక్కడికే సాధ్యం ...వీలైతే చదివి చూడండి ..నాకు వీలైతే కొన్ని భాగాలు ఇక్కడ రాయడానికి ప్రయత్నిస్తా ...
ఇప్పుడు పురుగుని ఎవరిమీదకి వదలాలో?

టూకీగా

రంగుల టీవీ ఇచ్చేది ఒకరైతే , బంగారం పంచేది మరొకరు
మరి తినడానికి తిండి, ఉండటానికి ఇళ్లు , తాగడానికి నీళ్లో?

టూకీగా ...

తెలంగాణా వచ్చేదెప్పుడు ?
వినాయకుడి పెళ్లయినప్పుడు ...

టూకీగా ...

సోనియా కారెప్పుడు త్యాగం చేసారు?

టూకీగా ...

అభిమానం ఎక్కువైతే కురిసేది? - రాళ్ల వాన

టూకీగా ...

జోగీ జోగీ రాసుకొంటే బూడిద రాలిందట ...
బాబూ , వై యస్ పరిపాలిస్తే అప్పు మిగిలిందట ...
( అడుక్కొచ్చైనా అందరికీ ఇళ్లిస్తాం అని ప్రియతమ ముఖ్యమంత్రి గారు ఆవేశంగా అనేసారు ...ఒకప్పుడు బాబు ప్రపంచ బ్యాంకు దగ్గర అడుక్కొస్తున్నాడని వాపోయారు

టూకీగా ...

కొన్నాళ్లకి చరిత్రలో చదవబోయేది ..త్యాగానికి మారు పేరు :సోనియా "గాంధీ" .

టూకీగా

రోజుకి పద్దెమినిది గంటలు పనిచేసే అలవాటున్న బాబు కి పనిలేకుండా ఉండటం చాలా కష్టం గా ఉన్నట్లుంది ...రాష్ట్రం లో సమస్యలన్నీ 9 ఏళ్లలో తీర్చేసారు ...ఇప్పుడు దేశ వ్యాప్తంగా ఉన్న సమస్యలు తీర్చడానికి కంకణం కట్టుకొన్నట్టున్నారు...మొన్నా మధ్య ఉత్తర భారతం లో సమస్యలు తిరిగి సమస్యలు అర్ధం చేసుకొచ్చారనుకొంటా ..అస్సాం వాళ్ల గొడవలు తీరుస్తాం రమ్మని పిలిచారు ...తరువాత కాశ్మీర్ సమస్య తీరుస్తారు ...ఆ రకంగా అంతర్జాతీయ సమస్యలు చక్కబెట్టిన ఘనత కూడా దక్కొచ్చు ..మరోసారి ఇండియా టుడే వగైరా పత్రికల ముఖ పత్రాలెక్కుతారు ..వీలుంటే ఈ సారి అమెరికా తదితర దేశ పత్రికల లో బొమ్మలు వేసినా వేయొచ్చు ...చివరికి మిగిలేవి కాంగ్రెసు వారి గొడవలు ..అవి తీర్చడానికి ఎమ్మెస్ లాంటి పెద్దలు బాబుని పిలిచినా పిలవొచ్చు ...ప్రస్తుతానికి అది టూకీగా ...

టూకీగా ...

ఏ శాఖా లేని మంత్రివర్యులు ఏం చేస్తారు రోజూ?

టూకీగా ...

గణతంత్ర దినోత్సవ సందర్భంగా కలాం అలవాటు ప్రకారం చాలా చెప్పారు ...రాజకీయాలు రెండు రకాలు ...మొదటి రకం రాజకీయం ఎన్నిక కావడానికి ..రెండవ రకం ఎన్నికయ్యాక ప్రజా సేవకి అని ...కానీ ఆయన చెప్పనిది ఇంకో రకం ఉంది ...ఎన్నికయ్యాక పదవి కాపాడుకోడానికి చేసే రాజకీయాలు ...ఉన్నవన్నీ ఇవే రాజకీయాలు అధ్యక్షా ...కేంద్రం లో కాంగ్రెస్సు ప్రతిరోజు ఎర్రజెండా వాళ్లు మద్దతు వెనక్కి తీసేసుకోకుండా చూసుకోడమే సరిపోతుంటే ఇక పెజా సేవ రాజకీయాలు ఎలా వెలగ బెడతారు? ప్రతి రాష్ట్రంలో దాదాపు ఇదే పరిస్థితి ..కథలు కబుర్లు చెప్పడానికి బానే ఉంటాయి ..చేయించ గలిగేవి చెప్తే మంచిది ...

టూకీగా ...

కాంగ్రెస్సు అంతా ఒక వైపు ...రాహుల్ ఒక్కడే ఒకవైపు ...చిన్నవాడైనా సరిగా చెప్పాడు ...భేష్ ...తప్పకుండా ప్రధాని అవుతాడు ...కాని రాహుల్ బాబు కి అర్ధం కానిది ...నీ బాబు కు అర్ధం అయింది ...కార్యకర్తలని పట్టించుకోడం అంటే వాళ్లని రెచ్చగొట్టడం ...రాహుల్ మాట్లాడుతున్నంత సేపు అరుపులు కేకలు ...చెప్పింది వేదికకి కింద దూరంగా ఉన్న వాళ్లకోసం ..విని తలలూపుతుంది వేదిక పైన ఉన్న వారు ..చూద్దాం ఏ మాత్రం మారుస్తాడో ...

టూకీగా ...

భగవంతుని శత్రువు పై రాళ్లు విసిరినందుకు శిక్ష - చావు

టూకీగా

ఫోన్ టాప్ చేసారు అని ఒకరి తరువాత ఒకరు మెగాఫోన్లో అరుస్తున్నారు ..ఇంతకీ వారు మాట్లాడుకొనే విషయాలు ఏమయి ఉంటాయి? ఎవరి దగ్గర ఎంత లంచం తీసుకొన్నారో తప్ప?ఆ విషయాలు తెలిస్తే మాత్రం పోయేదేముంది? వీడియో లు సాక్ష్యం గా చూపిస్తుంటేనే అవన్నీ నిజం కాదని సిగ్గూ ఎగ్గూ లేకుండా బుకాయిస్తుంటిరి కద ...

టూకీగా ...

సైన్సు కాంగ్రెస్సుకు , నేషనల్ కాంగ్రెస్సు కు పెద్ద తేడా కనపడకుండా ఉంది ..రెండు చోట్లా నాయకులదే రాజ్యం ...కలాం చెప్పిందే చెప్పి( నేను చదివిందే చదివి) విసుగు తెప్పిస్తున్నాడు ..అయ్యా కలాం ..జరంత ఆ శాస్త్ర వేత్తల బాధ కూడా పట్టించుకోరాదె ..రాజకీయాల జోక్యం ఉండనట్లైతే సాధించేది చాలా ఉంది అని మొత్తుకొంటున్నారు ..ముందు అది జరిగే పని చూసి అప్పుడు మిగతావి చూద్దాం ..ఎంతసేపు పిల్లలకి ముద్దు ముద్దు గా సమాధానాలు చెప్పి సంతోష పెట్టడమేనా?

టూకీగా...

"చెన్నై లో తొక్కిసలాట లో 43 మంది చనిపోయారు " --- పాపం అనిపిస్తుంది
"భవాని అనే ఉపాధ్యాయురాలిని చంపిన సురేష్ ని గ్రామస్తులు రాళ్లతో కొట్టి చంపారు" -- కొంచెం బాధ కొంచెం త్రుప్తి
"జై చిరంజీవి సినిమా కి టికెట్ దొరకలేదని ఆత్మహత్యా ప్రయత్నం...చావు బతుకుల మధ్య యువకుడు " నవ్వొస్తుంది
మూడూ చావులే ...కానీ ఒకో సందర్భంలో ఒకోలా అనిపిస్తుంది ...
నిజాయితీగా పని చేస్తున్న నా అన్న లాంటి వాళ్లని చంపినప్పుడు మీకేమి అనిపిస్తుంది ? అని ధూబే తమ్ముడు అడిగితే కలాం " ఓటమి ని మనం అధిగమించాలి ..మనని ఓటమి కాదు" అంటే సర్రున కోపం వస్తుంది ...

టూకీగా ...

"హలో ..ఎవరండీ మాట్లాడేదీ?"
"హలో ..నాపేరు దానయ్య అండీ...అనూ గారాండీ?"
"అవునండీ ..దానయ్య గారూ చెప్పండి ..మీ సమస్య ఏంటి?"
" మా అబ్బాయి ఎనిమిదో తరగతి చదువుతున్నాడండి ..చాలా సన్నగా ఉంటాడండి ..వాడు లావు అవ్వడానికి మీ రత్నం వాడితే ఏమన్నా ఫలితం ఉంటుందా అండీ?"
" మీ అబ్బాయి జాతకం, వేలి ముద్రలు 250 రూపాయలు పంపండి ..మా ఆస్థాన జ్యోతిష్కులు పరిశీలించి ఏ రత్నం సరిపోతుందో చెప్తారు ..ఆ రత్నం ధరిస్తే మీవాడు లావు అవటంతో పాటు ఇతర సమస్యలు కూడా తీర్తాయి ..ఆరు నెలల్లో ఫలితాలు కనపడక పోతే మీ సొమ్ము వాపస్ ఇస్తాము ..మీరు గనుక ఆ రత్నం మా దగ్గరే కొంటే 250 కన్సెషన్ ఇస్తామండీ "
ప్రస్తుత తెలుగు చానెల్ లో ఓ ప్రోగ్రామ్ ...
తలా ఓ 250 చొప్పున ప్రభుత్వమే అందరికీ ఓ రత్నం ఇప్పిస్తే సమస్యలే లేని సమాజం అవుతుంది కాబట్టి ఆ పని చేస్తే పోలా..ముందుగా మన నాయకులకి ఇప్పిస్తే మరీ మంచిది ...

టూకీగా ..

రాత్రి పెద్ద సమస్య వచ్చి పడింది ...ఓ పక్క జే మరో పక్క డేవ్ ...ఇద్దరూ ఇద్దరే ..చానెల్ మారుస్తూ కష్టపడి చూస్తున్నా ...ఇంతలో దుబ్యా బుష్ PBS లో కనపడ్డాడు ...వాళ్లిద్దరితో పోటీ పడతాడని తెలుసు...PBS తో సమస్య ఏమంటే అది ad free channel ...ఒకేసారి మూడు చూసే అవకాశం లేదు ..చివరికి బుష్ నే చూడాల్సి వచ్చింది ...చూసినందుకు నిద్రపోయే ముందు తెగ నవ్వించాడు... అందుకు దుబ్యా కి థాంక్స్ .

టూకీగా ..

అప్పటికీ ఇప్పటికీ మారకుండా ఉన్నది ?
clinic plus shampoo ధర - 1.50

టూకీగా ...

తాగినోడు నిజమే చెప్తాడు ..సైఫ్ అలీ ఖాన్ చిత్తుగా తాగి పిల్లాడిని గుద్దేసి పోలీసు స్టేషన్ కి వెళ్ళి చెప్పి మరీఇంటికెళ్లాడు ... మత్తు దిగాక మాత్రం న్యాయ వ్యవస్థ సరిగా అర్ధం కాక వెళ్లకుండా ఉండి పోయాడు ...

టూకీగా ...

విచిత్రం ఏమంటే మైక్రోసాఫ్టు నుండి ఈ బ్లాగు చదివిన వాళ్లు గూగుల్ రీడర్ వాడటం :P

..

మీ కళ్లు మిమ్మల్ని మోసం చేస్తాయా?

టూకీగా ...

తెలంగాణా రాష్ట్రం రావాలంటే యాగాలు చేయాలి ...
రాజకీయ విలువలు ఉన్నాయో లేదో తెలుసుకోడానికి DNA పరిక్షలు చేయించాలి ...
ఇవీ నేటి నేతల పరిశోధనా ఫలితాలు ...

టూకీగా ...

"నువ్వు దేవుణ్ని నమ్ముతావా?"
"నమ్ముతాను ..."
"దేవుడు అంతటా అన్ని వేళలా ఉంటాడు అనే విషయాన్ని నమ్ముతావా? "
"నమ్ముతాను ..."
"దేవుడికి భవిష్యత్తు లో జరగబోయేది తెలుస్తుంది అనే విషయాన్ని? "
"నమ్ముతాను ..."
"మనిషి తనంతట తాను ఆలోచించి నిర్ణయాలు తీసుకోగలడా?"
"అవును .."
"మరి భగవంతుడు భవిష్యత్తు మొత్తం ముందే నిర్ణయిస్తే ఇంక మనిషి తాను ఆలోచించి నిర్ణయం తీసుకోవలసిన అవసరం ఏముంది?"
"మనిషికి ఆలోచనా శక్తిని ఇచ్చాడు ..ఎటువంటి నిర్ణయం తీసుకోవాలో అతని విచక్షణకే వదిలేసాడు .."
"అంటే భగవంతుడికి మనిషి తీసుకోబోయే నిర్ణయాల మీద అధికారం లేదు ..భవిష్యత్తు కూడా తెలియదు ?"...

టూకీగా ...

మంజుల్ షా ను మంజులా షా గా మార్చారు ఆంధ్రజ్యోతి వారు

టూకీగా ....

గత పదిహేను రోజుల్లో ఎప్పటినుండో ఊహించిన రెండు విషయాలు జరిగాయి ---
ఒకటి లాలూ ఓటమి ...
రెండు నాయుడు గారు తెలుగు విధ్యార్ధి సంఘాన్ని పునః ప్రారంభించడం ..

టూకీగా ...

మొద్దు శీను ని పట్టుకోలేకపోవడం పోలీసుల వైఫల్యం కానేకాదు - అన్నారు హోం ..నూరు శాతం ఏకీభవిస్తున్నా ...అసలు శీను ని పట్టుకోక పోవడం వైఫల్యం అన్న మాటని ఖండిస్తున్నా ...శీను తన పేరు తో డ్రయివింగ్ లైసెన్సు తీసుకొని ఉంటే పోలీసులు తేలిగ్గా పట్టేసుకొని ఉందురు ..కానీ వేరెవరి పేరు మీదో తీసుకొన్నాడు ...అది రవాణా శాఖ వైఫల్యమే గానీ పోలీసులది కానేకాదు ... 3 బ్యాంకు ఖాతాలు ఉన్నాయి ...పోలీసు కేసులు ఉన్న వారికి ఖాతాలు తెరవనివ్వడం బ్యాంకు వారి తప్పు ..అదీగాక పోలీసులని అది తప్పుదోవ పట్టిస్తుంది ...ఎంచేతంటే పోలీసులు బ్యాంకులు అన్నీ సక్రమంగా ఉంటేనే ఖాతాదారులుగా చేర్చుకొంటాయి అనుకొంటారు ...కనుక అది బ్యాంకుల వైఫల్యం ... చెప్పుకొంటూ పోతే ఇలా చాలామంది వైఫల్యాలు ఉన్నాయి .. అందరి తప్పులని పోలీసుల మీద తోయడం ఏంటీ అర్దంలేకుండా?

టూకీగా ...

కుష్బూ మరీ అంత భయం భక్తీ లేకుండా మాట్లాడకుండా ఉండాల్సింది ..ఓ అనసూయ ఓ సావిత్రి ఓ ఇంకో లెక్కలేనన్ని పతివ్రతలలో ఒకరు పుట్టిన గడ్డపై పుట్టి అలా మాట్లాడటం ఏంటి చండాలంగా కాకపోతే? అంతగా కావాలంటే తనకి చేతనైంనంతలో "చూపించాలి " గానీ ఇలా వేదిక లెక్కి మాటాడితే కుదరదు ..చూపించితే అందరూ చీకట్లో చొంగ కారుస్తూ చూస్తారు డబ్బులిచ్చి మరీ..గుడి కట్టించి మరీ దణ్ణాలు పెడతారు ..అదే ఒక మంత్రి వర్యులు , వయస్సులో పెద్దాయన , పిల్లలకి కండోమ్స్ పంచాలి అంటే , నవ్వి ఊరుకొన్నారు ..ఎంచేతంటే ఈ పుణ్య పవిత్ర భూమి లో కొన్ని విషయాలు మగవారు మాత్రం మాట్లాడటానికి వీలుంది ..పతివ్రతలు అయినా కాకపోయినా ఆడవారు మాట్లాడటానికి వీలు లేదు ...మన లెవిలు ఏంటో తెలుసుకొని పనిలోకి దిగమన్నారు అందుకే ..ఆ అన్నది ఎవరు అని అడక్కమ్మా మళ్లీ ..అదిగో తెలివి మీరి ప్రశ్నలు అడుగుతుంది అది తప్పు అంటారు ..పిచ్చిమాలోకం లా ఎన్ని సినిమాలలో పెళ్లి కాకుండా తల్లి కాలేదు నువ్వు నీ సహ నటులు ...అలాంటి సినిమాలు మళ్లీ మళ్లీ చూసి విజయవంతం చేసారు కదా ..అదే విషయం చెప్తే తప్పేముంది అనుకొని ఉంటావు నువ్వు ..సినిమాలోలా లేడీ రౌడీ లా ఇక్కడ కూడా చెలామణి అవుతుంది అనుకొంటే అది పొరపాటు ..ఎంచేతంటే పతివ్రతలు పుట్టిన దేశం కాబట్టి ..దానికి తోడు ఇక్కడ కొన్ని సంప్రదాయాలు ఎందుకు పాటించాలో తెలియక పోయినా పాటించాలి కాబట్టి ..ఇప్పటికైన బుద్దిగా మసలుకో ...

టూకీగా ..

"కొల్లాయి కట్టితేనేమి , కోమటై పుట్టితేనేమీ"
"భారత రాజ్యాంగ నిర్మాత అంబేద్కర్ , ఒక దళిత కుటుంబానికి చెందిన వాడయినప్పటికి ..."
" భారత రాష్ట్రపతి పదవి నలంకరించిన మొదటి దళితుడు కె ఆర్ నారాయణన్ "
ఇలా ఇంకా ఎన్నాళ్లు కులాలని ప్రస్తావిస్తూ రాస్తూ పోతారు?

టూకీగా ..

ఒకావిడ స్వర్ణోత్సవాలలో ఒక్క స్త్రీని కూడా ప్రస్తావించలేదు అని విరుచుకు పడింది ..ఒకాయనేమో 50 సంవత్సరాలలో బలహీన వర్గాల నుండి ఒక్కరిని కూడా ముఖ్యమంత్రిని కానీయలేదు అని వాపోయాడు ...మరొకరేమో మైనారిటీలని ఇంకా ఎంతకాలం అణగదొక్కుతారు అని ఘర్జించాడు ...చెప్పుకొంటూ పోతే చాలా ఉన్నాయి ...అందరూ మాది పెద్ద సమస్య అంటే మాది పెద్ద సమస్య అని గగ్గోలు పెడుతున్నారు ..మరి సమస్య లేకుండా ఉంది ఎవరు? అధికారంలో ఉన్నవాడికీ ,లేని వాడికి కూడా సమస్యల మయం రోజంతా ..ఎందుకు ఎవడో వచ్చి మాకేదో చేయాలి అని ఎదురు చూడటం ..యాభై ఏళ్లలో ఇది కూడా తెలుసుకోలేక పోయారా?

టూకీగా ...

కొన్నాళ్ల క్రితం సింగుగారు మాడం గారిని కలిసారు అని చదివే వాళ్లం ...ఈ మధ్య ఇరాక్ ఆయిలు కుంభకోణం పుణ్యమా అని మాడం గారు సింగు గారిని కలుస్తున్నారని చదువుతున్నాం ...సెహభాస్ సింగు గారూ...

టూకీగా ...

నట్వర్ సింఘ్ కాంగ్రెస్సు మీద అలిగి ( తనని "గట్టిగా" సమర్ధించలేదని ) రాజీనామా చేయడం , "మొగుడు కొట్టినందుకు కాదు ..ఆడపడచు నవ్వినందుకు" అన్నట్లుంది ...

టూకీగా ...

ఒక ప్రత్యేక రాష్ట్రం ఏర్పాటు ఏ విధమైన ప్రభుత్వ పదవి లేని మాడం సోనియా నిర్ణయంపై ఆధారపడి ఉంది అని ప్రియతమ ముఖ్యమంత్రి గారు సెలవిచ్చారు ...ప్రత్యేక రాష్ట్రం ఏర్పాటు అనేది ఒక వ్యక్తి ఇష్టాఇష్టాల మీద ఆధారపడి ఉందా? నాకు తెలియక అడుగుతున్నా ...

...

రైలు ప్రమాదం జరిగితే లాలూ రాలేదు అనేది పత్రికలలో పెద్ద పెద్ద అక్షరాలతో రాసే బదులు ...ఆ ఖర్చు తో అక్కడ జనాల కి కావలసినవి పంపొచ్చేమో? అక్కడ ప్రమాదంలో చిక్కుకున్న వాళ్లు లాలూ వచ్చాడా? సోనియా వచ్చిందా ? అని ఆలోచించే స్థితి లో కాని , వారి రాక వల్ల వారికి ఒరిగేది కానీ శూన్యం ..రాస్తున్న ఒకో పత్రిక తలో పది కార్లు , మందులు , దుస్తులు ఏదో ఒకటి పంపితే ..వాటి కోసం జనం అక్కడ ఎదురు చూస్తుంది ...డిల్లీ లో కూడా అదే పరిస్థితి ..మాడం సోనియా అక్కడికి పరిగెత్తి కెళ్లి సాధించింది ఏంటో నాకర్ధం కాలేదు ..ఆవిడ భద్రతకి ఆవిడ రాకకి హడావిడి ..పైగా అవి అక్కడి సహాయ కార్యక్రమాలకి అడ్డం...

టూకీగా ...

మొన్న నేను రాసా ...ఇవాళ శ్రీధర్ గీసాడు :D

టూకీగా

"గత ప్రభుత్వం నంది అవార్డులని రాజకీయ మయం చేసింది " అవార్డుల సభలో దాసరి వారు అనడం - అమ్మని తిడతావా లమ్డీకొడకా అన్నట్టుంది ...

టూకీగా ...

వాళ్లని వీళ్లూ,వీళ్లని వాళ్లూ పార్టీ నుండి బహిష్కరించారు .ఇప్పుడు ఎవరూ లేరు .

టూకీగా ...

ఆంధ్ర ప్రదేశ్ అనే పేరు ఎప్పుడో ఎక్కడో అప్పుడప్పుడు వింటున్నట్టు ఉంది ..చిన్నప్పుడు రామ రాజ్యం అన్నారు ..కొన్నాళ్లు స్వర్ణాంధ్ర అన్నారు ...మధ్యలో అప్పుడప్పుడు అన్నల రాజ్యం అనే అరుపు వినిపించేది ...తుపాకీ , మందుపాతరల చప్పుళ్ల మధ్యలో ...మొన్నామధ్య ఇందిరమ్మ రాజ్యం అన్నారు ..ఇప్పుడేమో కొత్తగా ఆదర్శాంధ్ర అంటున్నారు ...నాయక ప్రతినాయక పాత్రలు, నాటకం పేరు మార్చుకొంటూ చూపించేది మాత్రం అదే నాటకం ..అదీ సంగతి...

short - shorts

my boss today when we ask him about a design issue - " Its like a psychiatrist asking the patient , going through his profile, "so you say you are abmivalent , is that so?"" ...poor patient ..

టూకీగా ...

మొన్నటి దాకా భౌ భౌ లు
ఇవాళేమో భాయీ భాయీ లు

టూకీగా ...

తనకి శుభాకాంక్షలు చెప్పే వాళ్లలో తనే మొదటివాడయి ఉండాలనుకొనేవాడొకప్పుడు ... రాత్రి పడుకోబోయే ముందు ,చెప్పాలన్న విషయంగుర్తుకొస్తే చాలనుకొంటున్నాడిప్పుడు ...

టూకీగా...(tagged by ratna)

నిన్న సాయంత్రం నుండి అదే ఆలోచన ...కుదురుతుందా .. నా వల్ల అవుతుందా ఆ పని అని ...మొదలెడితే ఏ పని అయినా అవుతుందని వాడు అంటూ ఉంటాడు .. కానీ అవ్వదేమో అని నాలో నేను ...మొదలెట్టిన పని పూర్తి కాకుండా ఆపడం కన్నా చేయలేమన్నప్పుడు మొదలెట్టకపోడమే మంచిది కదా అన్నది నా వాదన...రాత్రి పడుకొన్నాక కూడా అదే ఆలోచన ......ఆ పనేదో చేస్తేగానీ నిద్ర పట్టేలా లేదు అనుకొని లేచి రాసేసా ...సరిగ్గా యాభైఅయిదు పదాలు

టూకీగా ...

అమ్మ అయ్య ఆఫీసు నుండి తెచ్చిన పెన్నులు , పెన్సిళ్లు కొడుకు కత్రినా బాధితులకి విరాళమిచ్చాడు ...

టూకీగా

"చిన్న గా మాట్లాడు " అని పెద్దగా అరుస్తూ చెప్పాడు తాత మనవడికి ....

టూకీగా

విచిత్రం ఏంటంటే --- "ఆయుధాలు" అనే పదం కోసం యాహూ లో వెతికితే నా బ్లాగోతం కి దారి చూపించడం :)...ఇప్పుడు ఈ వంకతో నన్ను కూడా అరెస్టు చేయమంటారేమో ప్రియతమ ముఖ్యమంత్రి గారు , గృహ మంత్రి గారు ...

టూకీగా ...

అమ్మ శవయాత్రకి పదివేలు దాచిన మూడో కొడుకు , వౄద్ధాశ్రమానికి అయిదువేలు విరాళమిచ్చాడు ...

టూకీగా ...

అనగా అనగా ఒక దుర్గారాణి ..రాణి కి ఆరుగురు కొడుకులు ముగ్గురు కూతుళ్లు ..తొమ్మిది మందీ తాము తినగలిగీ ఇంకో ఇద్దరికి పెట్టగలిగే స్థితి లోనే ఉన్నారు ...తల్లికి తప్ప ......రాజుగారు ఖర్చు చేయగా మిగిలిన పొలం అమ్మితే ఇరవై వేలు వచ్చాయి ...ఇరవై వేలు వడ్డీకి ఇచ్చి ఆ వచ్చే డబ్బుతో జీవించమన్నారు ..ఆ వడ్డీకి కూడా నేనే ఇస్తా నాకు తెలిసిన వాళ్లకి అని డబ్బు తీసుకొన్నాడు మూడో కొడుకు ..వడ్డీ మాత్రం పదివేలకే ఇస్తున్నాడు ..బిడ్దా వడ్డీ ఎక్కడ అని అడిగితే ...నీ ఖర్మ ఖాండలకి అవసరం అవుతాయని పదివేలు దాచా అన్నాడు ...

తాపీగా ...

రాత్రి 1.30 కి ఫోన్ మోగింది .అదిరిపడి లేచి ఫోన్ ఎత్తా .
"హలో నేను నాగేశ్వరరావు ని " మరోసారి గుండె అదిరింది ..నాకు వెంటనే గుర్తొచ్చిన నాగేశ్వరరావు మా అక్క మామగారు .ఈయన ఈ సమయంలో ఎందుకు చేసి లేపుతున్నాడబ్బా అనుకొంటుండుగానే"నేను రా నాగేశ్వరరావు ని మణుగూరు నుండి " అన్నాడు ..మణుగూరు నాగేశ్వరరావు అంటే నా మాజీ మానేజరు గుర్తొచ్చాడు ..కానీ ఆయనకి నన్ను అరే ఒరే అనేంత చనువు లేదు ..అప్పుడు వెలిగింది ..వీడు" నామ్ "అని ..ఆ కాలేజి పుణ్యమా అని మేము ఇంటి పేర్లతోనే అందరికి బాగా గుర్తుంటాం ..ఇలా అర్ధరాత్రిళ్లు ఇబ్బంది కలిగినా ఒకోసారి అది తన్నులు తినకుండా కాపాడేది ..ఓసారి ఓ రౌడీ గ్యాంగు లో ఒకడు నాతో చిన్నప్పుడు చదివిన పరిచయంతో సుధీర్ అనేవాడు ఎలా ఉంటాడు , ఏ టైమ్ లో వస్తాడు అని కూపీ లాగడానికి అడిగాడు ..నేను "అన్నా మిమ్మల్ని ఎవడో బోల్తా కొట్టించాడు ..అసలు సుధీర్ అనేవాడు మా కాలేజి మొత్తంలోనే లేడు" అని నమ్మకంగా చెప్పా..వాడికి నామీదున్న అపార నమ్మకంతో నమ్మేసాడు ..విషయం ఏంటంటే నాకూ సుధీర్ పేరు సుధీర్ అని గుర్తు లేదు ఆ సమయానికి ..వాడి పేరు "కట్ల " మా కాలేజి కి సంబంధించినంత వరకూ ..సరే ప్రస్తుతంలోకి వస్తే ...ఈ నామ్ అని పిలవబడే నామవరపు నాగేశ్వరరావూ నేను కలిసి నాలుగేళ్లు చదివి ,ఒక ఏడాది పని చేసాం ..పని అంటే మళ్లీ కొన్ని గుర్తొస్తాయి .. వీడి కి ఖంగారు ఎక్కువ ..మొదటి రోజు నేను , నామ్ , కెపి ముగ్గురం జాయినింగ్ రిపోర్టు ఇవ్వడానికి వెళ్ళాం..కెపి ఎవరో తెలిసిన వాళ్ళు కనపడితే మాట్లాడుతున్నాడు ...అక్కడకి రావడానికి ముందే మాకు ఒక విషయం తెలుసు ..అక్కడ మాలో ఒకరిని షిఫ్ట్ ల్లో వేస్తారు అని ..ఉద్యోగం వచ్చీ రాగానే షిఫ్ట్ లలో పని చేయడం అంటే పెద్ద చిరాకు ..ముగ్గురికీ మనసులో పక్క వాడిని వేస్తే బావుండు అని ఉంది ..కానీ బయట పడటం లేదు అంతే ...కెపి వస్తే ముగ్గురం కలిసి వెళదాం అని మానేజరు, పైన చెప్పిన ఇంకో నాగేశ్వరరావ్, గది ముందు ఆగాం..అటు తిరిగి మళ్ళీ ఇటు తిరిగే సరికి నామ్ మాయమయ్యాడు ..ఎక్కడ పోయాడబ్బా అని చుట్టూ చూస్తున్నా ..పది నిముషాల్లో కెపి మాటలాపి వచ్చాడు .."వీడేడి రా " అన్నాడు .."ఏమో రా బొగ్గులో కలిసి పోయాడంటావా " అని నవ్వుకొన్నాం ..ఇంకో పదినిముషాలు చూసి సరే మనం పోదాం పద అని తలుపు తీయబోతుంటే , లోపల నుండి బిక్క మొఖంతో నామ్ వచ్చాడు బయటికి ...ఏమయింది అని అడగబోయి మానేజరు మా వైపే చూస్తుండటం తో లోపలకి వెళ్లిపోయాం ..మా ఇద్దరిని రేపటి నుండి జనరల్ షిఫ్ట్ లో రమ్మని ఆ రోజుకి వెళ్లిపోమన్నాడు మానేజర్ ..విషయం అర్ధమయ్యి నవ్వుకోలేక చచ్చాం ..నామ్ మాకన్నా ముందు వెళ్ళి మానేజరు ని మంచి చేసుకొని జనరల్ షిఫ్ట్ లో వేయించు కొందాం అని మాకు చెప్పకుండా మాయమయ్యాడు ..తీరా లోపలకి వెళ్లే సరికి నైట్ షిఫ్ట్ లో మనిషి తక్కువగా ఉన్నారు అని వేడి వేడి గా చర్చ జరుగుతుందట ..ఇకనేం సమస్యకి నామ్ ని పరిష్కారం చేసారు ..ఆ రోజంతా పాపం నామ్ ని ఏడిపిస్తూనే ఉన్నాం .. నైట్ షిఫ్ట్ ఇంచార్జ్ అయినందుకు పార్టీ కూడా పుచ్చుకొన్నాం ..మేము ఇవ్వాల్సింది పార్టీ :) ...తెల్లారి మేము జనరల్ షిఫ్ట్ లో పనేమీ చేయకుండా కాలం గడిపితే నామ్ నిద్ర పోడానికి కష్టపడ్డాడు ..మందు కొట్టి మరీ ...రెండో రోజు ఆఫీసు కి వెళ్లేసరికి హడావిడి గా ఉంది ..రాత్రి ఒక ప్రమాదం లో ఒకరు చనిపోయారు... పని బందు ..ఎవరినీ కదిలించేలా లేదు . విషయం నామ్ కి సరిగ్గా తెలుస్తుంది కదా అని వాడి కోసం వెదికితే ఎక్కడాలేడు ..ఆరా తీస్తే హీరో రాత్రి వచ్చిన గంటా రెండు గంటలకే నిద్రకి ఆగలేక రూమ్ కి వెళ్లిపోయాడంట ..పోయి వాడి రూమ్ తలుపులు బాది లేపాం ..కెపి చాలా సీరియస్ గా నిన్ను జియం రమ్మంటున్నాడు అని చెప్పాడు .."దేనికి ?" ఖంగారు గా అడిగాడు .."రాత్రి ఆక్సిడెంట్ అయింది ..ఒకరు చనిపోయారు ..షిఫ్ట్ ఇంచార్జ్ నువ్వే కదా అక్కడ ఎగిరి పడుతున్నాడు "అని చెప్పాడు .."అయినా ఒక వారం రోజులు సిన్సియర్ గా పని చేయొచ్చు కదా" అని చిరాకు మొహంతో అడిగేసరికి నామ్ కి ఇంకా ఖంగారు ఎక్కువ అయింది ..భయంలో బుర్ర పని చేయదు అనేది నిజం ..నిజానికి మేము ఇంకా ట్రైనీలమే కాబట్టి మాకేం సంబంధం ఉండదు ..కానీ వాడు నామ్ ,పైగా భయం లో ఉన్నాడు ..గబ గబా లేచి తయారయ్యి "సరే రా ఆఫీస్ కి వెళ్తా " అని వెళ్లాడు ..వాడిని వెళ్ళనిచ్చి మేము ఆఫీస్ కి ఫోన్ చేసి అక్కడ రాజు కి చెప్పాం ...వీడు ఖంగారు లో పెద్దాయన్ని కలిసి ఏం చెప్తాడో ..ముందే ఆపేయమని ...మేము పని లేదని పత్తాల ఆటలో పడ్డాం ..దాదాపు రెండు గంటల తరువాత రాజు కూడా వచ్చాడు .."నామ్ ఏమంటున్నాడన్నా?" అని నవ్వుతూ అడిగాం "ఏడిరా భాయ్ ? వస్తడన్నరు ..రాలేకద?" అన్నాడు .."కొంపతీసి పెద్దాయన దగ్గర పోయాడా?" అన్నాం "ఎహె లేదురా భాయ్ ..అసల్ వాడాపక్కకే రాకుంటే?" అన్నాడు .. మరి వీడు ఎక్కడకి పోయుంటాడు? టిఫిన్ చేయడానికి ఏమన్నా పోయాడేమో అని మేము ఆటలో పడ్డాం ..ఆ సాయత్రం మూడు సమయంలో కెపి రూమ్ లో బాతాఖానీ వేస్తుంటే కెపి ఫోన్ మోగింది .."నేనే కెపి ని ...సామురాయా? మా ఇద్దరివీ ఇక్కడే ఉన్నాయే.. నా నంబరా? " అంటూ మాట్లాడుతూ నా వైపు అయోమయంగా చూస్తున్నాడు ..అయిదు నిముషాల్లో ఫోన్ పెట్టేసాడు ..ఎవరు రా అంటే పోలీసు లు అన్నాడు ..అర్ధం కానట్టు మొహం పెట్టా .."ఖమ్మం రోడ్దులో సుజుకి సమురాయ్ కి ఆక్సిడెంటు అయిందట ..బండి నడిపే అతను స్ప్రుహలో లేడట ..అతని జేబులో నా ఫోన్ నంబరు ,పేరు ఊరు ఉన్నాయట "అన్నాడు ..మీ చుట్టమేమో అన్నా ..లేదు మామా మా చుట్టాల్లో ఎవరికీ సమురాయ్ లేదు అన్నాడు ..పోనీ ఫ్రెండ్స్ ? అన్నా ..ఫ్రెండ్స్ లో నీకు ఉంది కానీ నువ్వు నా ఎదురుగానే ఉన్నా..సగంలో ఆపేసాడు.. మిగతా సగం ఇద్దరి నోట్లో నుండి ఒకేసారి వచ్చింది "నామ్" ..వాడు కూడా పోయిన నెలలోనే కొన్నాడు ..పైగా పొద్దున నుండి వాడు మాయం ...హడావిడి గా బండి తీసాం ..కానీ అరకిలోమీటరు వెళ్ళాక అనుమానం వచ్చింది .ఓ సారి నామ్ రూం కి వెళ్లి చూద్దాం అని అటు తిప్పాం ..అక్కడ వాచ్ మాన్ ని అడిగితే "ఆ సారు ఇవాళ మొత్తం కనపడలేదు సార్" అన్నాడు ..వీడు ఎప్పుడూ మత్తులోనే ఉంటాడు అని నామ్ రోజూ వెళ్ళే కొట్లు అన్నిటి దగ్గరా అడిగి చూసాం ..ఎవరికన్నా కనపడ్డాడేమో అని ...ఎవరూ చూడలేదు అన్నారు ...ఇలా కాదని బయలు దేరాం ..ఊరు దాటుటూ ఉండగా నామ్ వాళ్ల ఊరివాడు అటునుండి వస్తూ కనపడ్డాడు ..విషయం చెప్పి గానే "నాకు మధ్యాహ్నం పాలవంచ దగ్గర ఎదురయ్యాడు ..కానీ నేనూ ఆగలేదు తనూ ఆగలేదు "..అని చెప్పాడు ...అనుమానం కొద్ది కొద్దిగా బలపడుతూ ఉంది ..నామ్ వాళ్ల ఇంటికి ఫోన్ చేద్దాం అంటే వాళ్లకి ఫోన్ లేదు ..అప్పుడు ఆయన అన్నాడు ..వాళ్ల ఇంటి దగ్గర మెడికల్ షాపు ఉంది ..వాళ్లకి చేసి పిలిపిద్దాం అని ..చేసి వాళ్ల తమ్ముడిని పిలిపించాం ..మీ అన్న ఇంటికి వచ్చాడా అని అడిగితే వాడు మా అన్న ఇప్పుడు ఇంటికి ఎందుకు వస్తాడు అని ఎదురు ప్రశ్న వేసి మా అనుమానాన్ని మరికాస్త పెంచాడు ...కిం కర్తవ్యం అని ఆలోచిస్తుంటే రాజు అటువేపు వచ్చాడు ..విషయం ఇది అని చెప్తే ..సరే పోలీస్ స్టేషన్ కి వెళ్ళి కనుక్కొందాం , ఎస్సై మనకి తెలుసు అని తీసుకెళ్లాడు ..అక్కడ నుండి జిల్లాలో దాదాపు అన్ని పోలీసు స్టేషన్ లకి సమాచారం ఇచ్చారు ..ఇవాళ ఏ పోలీసు స్టేషన్ పరిధిలో అయినా సుజుకి సమురాయ్ ఆక్సిడెంట్ కేసు నమోదు అయిందా అని ..రెండు గంటల్లో అన్ని పోలీసు స్టేషన్ ల నుండి జవాబు వచ్చింది ..ఎక్కడా అలాటి కేసు రాలేదని ....కొంతలో కొంత నయం ..కానీ మనసులో పీకుతూనే ఉంది.. ఈ పోలీసులని ఎవడు నమ్మొచ్చాడు అని ..మా కళ్ళ ముందే వాళ్లు చేయగలిగింది చేస్తుంటే చూస్తూ కూడా..విషయం మెల్లగా ఊరంతా పాకింది ..పేపరోడు వివరాలు చెప్పమని ..మా ఆఫీసు లో కండొలెన్సు లకి సన్నాహాలు ...రాత్రంతా టీలు ...ఆలోచనలు ..గుర్తుకి తెచ్చుకోడాలు ..ఎప్పటికో తెల్లారు ఝామున నిద్ర పోయాం రాక పోయినా ..పొద్దున్నే ఫోన్ మోగింది ..కెపి ఎత్తి ఒక్క నిముషం ఆగి బూతులు తిడుతున్నాడు అవతల మనిషి ని ..తిట్ల ప్రవాహం ఆపి ఫోన్ పెట్టేసాడు .."వాడు వాళ్ల మామ కూతురితో మస్తు గా ఎంజాయ్ చేసిండంట రాత్రంతా ..ఇంటికి పోలే ..కాబోయే మామ ఇంటికి పోయాడట " కోపంగా చెప్పాడు మళ్లీ ముసుగు తంతూ ...
అద్గదీ ఆ నామ్ ఇప్పుడు ఫోన్ చేసాడు ..అంత దూరం నుండి ..."ఏంట్రా విషయం?" "ఏంలే సెల్ కొన్నా ..మొన్న రాజు కలిస్తే నీ నంబరు తీసుకొన్నా ..ఊరికే చేసా" కెపి ఆరోజు తిట్టిన దానికన్నా ఎక్కువ తిట్టేవాడిని ..కాని నిద్ర ముంచుకొస్తూ ఉంది ..రేపు చేస్తా పెట్టేయి అని పెట్టేయించి పడుకొన్నా ...

టూకీగా

కొత్త టాలీవుడ్ ఫార్ములా :
మూడు హాలీవుడ్ సినిమాలు = ఒక తెలుగు సినిమా

tagged

కిరణ్ నన్ను tag చేసాడు ...ఆ ముక్క పక్కా తెలుగులో ఎలా రాయాలో తెలియలేదు ..దాదాపు 4 రకాలుగా మొదలెట్టి చివరికి ఇంగ్లీషు లో రాసా... విషయంలోకి వస్తే ...ప్రస్తుతం నా దగ్గర ఉన్న పుస్తకాల సంఖ్య --చలం మొత్తం పుస్తకాలు ..దాదాపు ఓ 50 ఉంటాయి ..అవి తప్ప మిగతావి ఏమీ లేవు ..ప్రస్తుతం చదువుతున్న పుస్తకం ఇక్కడ ప్రస్తావించ వచ్చో లేదో తెలియదు ..ఎంచేతంటే అది technical book .. దానికన్నా ముందు చదివినది "Winning" by Jack Welch ... నచ్చిన పుస్తకాలు చాలా ఉన్నాయి ..ఒక్కో రకానికి ఒక్కోటి చొప్పున చెప్పినా చాలా అవుతాయి ..నాకు నచ్చేవి జీవిత చరిత్రలు ..వాటిల్లో బాగా నచ్చింది ...గాంధీ ది ...గాంధీ ఒక నాయకుడి లా నచ్చక పోయినా ఒక మనిషిగా నచ్చుతాడు ..ఈ మధ్య కాలం లో చదివిన వాటిల్లో న చ్చింది ...మళ్లీ ఇదో కష్టమయిన ప్రశ్న :( ..ఝుంపా లహిరి రాసిన "The Namesake" ఏక బిగిన చదివేసా..అంత బాగా రాసింది ..
ఇప్పుడు ఓ అయిదుగురుని tag చేయమన్నాడు ...ఈ బ్లాగు చదివేది అయిదుగురే (అయిదుగురు లో కిరణ్ పోను నలుగురు :D)అని నా గట్టి నమ్మకం :) అంచేత ఓ నలుగురు పాఠకుల్లారా మీ మీ బ్లాగుల్లో మీకు నచ్చిన మెచ్చిన తెచ్చిన పుస్తకాల గురించి రాయండి ...

టూకీగా ..

టూకీగా

పదకొండు కోట్ల కుంభకోణానికి కాబోయే ఖర్చు 100 కోట్లు ...
అవెక్కడ మాయమయ్యాయో తెలియడానికి పట్టే సమయం దాదాపు 11 ఏళ్లు ...

టూకీగా ...

"మీరు ఇంత సాధించారు జీవితంలో ..ఆ ఆనందం పంచుకోడానికి ఎవరూ లేరు "అని ఎప్పుడూ అనిపించలేదా?
"నేను సాధించిన దాన్ని గురించి గొప్పగా గానీ , ఆనందం గా గానీ నేనెప్పుడు feel అవలేదు ..మొన్నా మధ్య నాకు బెంగాల్ లో ---- (అవార్డు ) ఇచ్చారు ..అది మొత్తం దక్షిణ భారత దేశం లో "ముగ్గురికే "( ఒత్తి పలుకుతూ) ఇచ్చారు ...కానీ నేను అదేదో గొప్పగా భావించడం లేదు "
--- ఒక గొప్ప రచయిత్రి

టూకీగా...

"పోరి కత్తి ఉంది మామా" - ఒంటరిగాడు
" ఆ అమ్మాయి చాలా బావుంటుంది " - సంసారిగా మారాక

టూకీగా ...

మాటలతో సమయమే తెలిసేది కాదు వాళ్లిద్దరికీ ఒకప్పుడు
ఒకరి పుట్టిన రోజు ఒకరికి ఏ యాహూ క్యాలెండరో గుర్తు చేయాల్సి వస్తుందిప్పుడు

టూకీగా ...

బయట వాళ్లు ఆయన్ని చేతగాని వాడు అన్నప్పుడు వాళ్ల మీద అరుస్తుంది ఆవిడ ..
ఇంట్లో వివరం సవరం లేని పనులు చేస్తాడు అని ఆయన్ని అరిచేదీ ఆవిడే...

టూకీగా 3...

"నేనంటే నీకు ఎంత ఇష్టం"
"చాలా"
"చాలా అంటే ఎంత? "
"ఇంంంంత"
తెల్లారింది...అరుచుకోడాలు ,చిరాకులు , ఏడుపులు , కోపాలు ...మామూలే

టూకీగా 2...

రాష్ట్ర జనభాలో సరిగా తినడానికి తిండి లేని జనం - సుమారు ఒక కోటీ పన్నెండు లక్షల మంది ..
తెలుగుదనాన్ని లోకానికి చాటడానికి(పేద వాడి గుడిసె ని పోలిన వేదిక పై నుండి) నాలుగు రోజులకి ఖర్చు దాదాపు పన్నెండు కోట్లు ...

టూకీగా...

"ఈ రెండు నెలలు అమ్మా నాన్నలతో వీలయినంత ఎక్కువ సమయం గడుపు "
"ఏం ? అలా అంటున్నావ్?"
"మళ్లీ ఎప్పుడు వెనక్కి వెడతావో..వెళ్లినా హడావిడిగా ఉంటుంది.."
"నేను సరిగ్గా 8 ఏళ్లలో వెనక్కి వచ్చేస్తా ఎట్టి పరిస్థితుల్లో"
మనసులో ..."ఆ మాట విమానం ఎక్కిన రెండో గంట నుండి ప్రతి గంటకోసారి అనుకోబట్టి ఇప్పటికి ఆరేళ్లు అయింది "

కాపీ

సాగ్నిక్ రాసిన కొత్త post చదివాక నాకు మా కాలేజ్ లో సిద్ధడు ( సిదానంద్) చేసిన పని గుర్తొచ్చింది .. మొదటి రెండు సంవత్సరాలు కలిపి ౩ పేపర్లు డ్రాయింగ్ ఉండేది .. చదువయిపోయాక ఆ డ్రాయింగ్ అవసరం ఉద్యోగంలో రాదని చదివే మాకూ, చెప్పే పంతులు కీ తెలుసు..అయినా తప్పక చెప్పేవారు ..తప్పక మేము నేర్చుకొనేవాళ్లం ...అందులో సిద్ధడు రేపు పరీక్ష అనగా ఇవాళ రాత్రికి ఆ ప్రొఫెసర్ నే రేపు రాబోయే ప్రశ్నలకి సమాధానాలు అడిగే రకం ..పరీక్ష మొదలయింది ...సిద్ధడికి ..సుడి అంటారే అది ఎక్కువ ..వాడి ముందు వాళ్ల క్లాసు topper కూచొనేవాడు ..వాడి దాంట్లో రాసింది , గీసింది యధాతదంగా ఎక్కించి గట్టెక్కేవాడు ప్రతిసారీ ..ఆ సారి కూడా అదేపనిలో ఉన్నాడు ..పరీక్ష అయిపోయింది ...అయిపోయాక సిద్ధడికి ఒక అనుమానం వచ్చింది .." మామా ..మనం ఎప్పుడూ షీట్ కి అడ్డంగా ఇంటూ(X) గీతలు కొట్టిన గుర్తులేదు ..నువ్వేంది మరి పరీక్ష లో అలా కొట్టావ్? " అని అడిగాడు ...విషయం ఏంటో అర్ధం అయ్యి అందరం పడీ పడీ నవ్వుకొన్నాం...ఆ ముందు వాడు ఆ బొమ్మ తప్పు గీసి కొట్టేసాడు ..వెనక ఉన్న మనవాడు అది కూడా బొమ్మలో భాగం అనుకొని ఎక్కించేసాడు :D

update:
సిద్ధడు ప్రస్తుతం ఓ పెద్ద కేంద్ర ప్రభుత్వ సంస్థ లో ఎడిషనల్ మానేజర్ గా పని చేస్తున్నాడు

నాటకం

ఇచ్చిన గడువు ముగుస్తోంది ..గుండెళ్లో రైల్లు పరిగెత్తుతున్నాయ్ ఒక్కోడికి అన్నాడు కాకా ఇందాక ..అబ్బో మన నాయకులకి భయం అనేది ఒకటి ఉందే ఇంకా అనిపించింది ..రాములమ్మ కొత్త పార్టీ ..ఎమ్మెస్ కి కొత్త పదవి ...కొత్త ఆ పదంలోనే తప్ప మరెందులో కనపడటం లేదు ...కొత్త అంటే శేషన్ పెట్టబోయే కొత్త రాజకీయ బడిలా ఉండాలి .... నేను చదివే రోజుల్లో ఎందుకు పెట్టలేదా అని చింతిస్తున్నా..అప్పుడే అలాంటి బడి ఉండి ఉంటే ఈ పాటికి ఏ రాబోయే రాయలసీమ రాష్ట్రానికో ముఖ్యమంత్రి ని అయి ఉందును గందా ...
ఉచిత విద్యుత్ విధానం మీద ఉతికి ఆరేసాక, నీళ్ల ప్రాజెక్టుల మీద ఎండగట్టారు కొన్నాళ్లు..రాజకీయ హత్యలని విపరీతంగా ఖండించాక ఉపఎన్నికతో ఆ విషయాన్ని పాతేసారు..దేవుడి భూములపై రాద్దంతం శాఖా మార్పుతో కొండెక్కించ్చారు ..ప్రస్తుతం మున్సిపోల్స్ కై జనం పల్స్ పట్టడానికి కొత్త నాటకం స్క్రిప్టు తయారీలో అందరూ పూర్తి సమయం నిమగ్నమై ఉన్నారు ...తెర తీసాక మొదలవుతుంది..కానీ తెరవెనుక జరిగే తతంగం అసలు నాటకాన్ని తలదన్నేలా ఉంది ..డిల్లీ అయితే ఏం, హైదరాబాద్ గల్లీ అయితేనేం...రాములమ్మ రామన్న గూడెం అయితేనేం ...

నిజం

ఒకోసారి మనం మనకి తెలిసింది , మనకి సరి అనిపించింది మాత్రమే నిజం అనుకొంటాము ..ఒకోసారి ఏంటి ఎప్పుడూ ..అప్పుడెప్పుడో ఫారూఖీ , గ్రాఫిక్స్ లో చెప్పినట్టు మనకి కనపడేదే నిజం అని ..వెంటనే నేను అడిగిన ప్రశ్న ఆ నిజమనేది మాత్రం మనకెలా తెలుస్తుంది అని ..ఇంతకీ చెప్పొచ్చేదేమంటే ఎవడేమి అనుకొంటే మనకేంటి అన్నట్లు ఉండమని :D పక్క వాడికి ఇబ్బంది కలగనంత వరకు ..వాడికి ఆ ఇబ్బంది మనవలన కలగక పోయినా మనవలనే అని వాడు అనుకొంటే మనకొచ్చిన నష్టం ఏమన్నా ఉందా? ఏమీ లేదు ...అంచేత ...

పరిణామ క్రమం

ఒకప్పుడు సినిమాలో నాయక -కీ లు గోరు ముద్దలు తినిపించుకొనేవారు ..కొన్నాళ్లకి ఒకే కొబ్బరి బోడం లో straw వేసుకొని తాగే వారు ..ఇంకొన్నాళ్లకి కూల్ డ్రింకు పంచుకొనేవారు ..ఇప్పుడు ఒకటే సిగిరెట్టు పంచుకొంటున్నారు :D

అట్టూ స్టేషన్

అలాస్కా లో అట్టూ స్టేషన్ అనే ఊర్లో జనాభా 13 :( పదముగ్గురిలో ఒకరు డాక్టరు , ఒకరు పోస్ట్ మాన్ , ఒకరు కిరాణా కొట్టు వాడు అయి ఉండాలి . మిగిలిన పది మంది ఎవరు అయి ఉండొచ్చు?

తిండి -సంపాదన

పాఠక్ నిన్న అంటున్నాడు " అన్నా , మనం మొదట తిండి కోసం అని పైసలు సంపాయించడం మొదలెడతాం ..పైసలు ఎక్కువ సంపాయిస్తున్న కొద్దీ తిండి తినడం తగ్గిపోతుంది ..దాని గురించి పట్టించుకొనే సమయం కూడా ఉండదు ఒకోసారి " అని ..ఎంత నిజం :) వాడిది రోజుకి 24 గంటలూ పని చేయాల్సిన ఉద్యోగం మరి ..ఇంకో నిజం ..బరువు తగ్గడానికి తక్కువ కాలేరీలు ,తక్కువ కార్బోహైడ్రేట్ లు ఉండే వస్తువుల ధర ఎక్కువ :D

గాంధీ

అందరికీ ఒకేసారి గాంధీ గుర్తొచ్చాడు ...కాకపోతే గాంధీ చెప్పిన విషయాలు గుర్తు రావాల్సిన సమయంలో మాత్రం రావు ...ఒకరిని ఒకరు తిట్టుకోడానికి గాంధి సాక్ష్యం కావాల్సి వచ్చింది ...ఒకరేమో నిజం చెప్పించు అని , మరొకరేమో హింస ఆపించు అని మాటలు రాని చేతలుడిగిన గాంధి బొమ్మకి మొరపెట్టుకొన్నారు ..అది కూడా పక్కనోడు మారాలని ..తప్పితే మనం మారుదాం గాంధి చెప్పిన బాట లోకి అని అనుకోలేదు ..కనీసం వారికి బాగా అలవాటయిన జనాన్ని నమ్మించడం అనే కళ లో కనీసం ఆ దిశ లో ప్రయత్నం కూడా చేయలేదు ..
అయినా జనానికి బుద్ది లేదు ...దేనికి పడితే దానికి ఎగేసుకొని బయలు దేరడం దేనికో? నామినేషన్ కి , విజయోత్సవ సభలకి అంతలేసి మంది పోకపోతే వచ్చిన నష్టం ఏమిటో? నామినేషన్ వేసిన వాడు ఓట్లు అడుక్కొంటూ రేపెలాగూ మన ఇంటికి వస్తాడు కదా ..అప్పుడు రద్దీ లేకుండా తీరిగ్గా చూసుకోవచ్చు కదా? విజయోత్సవ సభ ఎలాగూ పేపర్లలో , TV లలో చూసి తరించొచ్చు కదా? ఏం జనమో ఏమో ...

పరీక్షా ఫలితాలు

ఇది పరీక్షా ఫలితాల సమయం...నేను పేపర్ లో ఆత్మహత్యల వార్తల కోసం వెతుకుతున్నా :( ...అనుకొన్నట్టుగానే ఇవాళ కనపడింది ...ఆరుగురు ప్రయత్నించారని :( ఆ తరువాత పైన రాంకులు వచ్చిన వాళ్ల వివరాలు , మార్కులు చూసా ..కళ్లు చెదిరే అద్భుత ప్రతిభ ? ఎలా వస్తున్నాయి నూటికి నూరు ? అది కూడా ఇంగ్లీషు , తెలుగు ( పేరుకు సంస్కృతం అయినా రాసేది తెలుగేగా) లలో? మా అప్పుడు మాకు పాఠాలు చెప్పింది కూడా అదే పంతుళ్లు కదా? అవే పాఠాలు కదా? మాకు అర్ధం కానివి ఇప్పటి పిల్లలకి అర్ధం అవుతున్నాయా? లేక పరీక్ష ఎలా రాయాలో మాకన్నా బాగా తెలుసుకొన్నారా?

ప్రయత్నం

గత కొన్ని రోజులుగా ఒక పని చేయడానికి ప్రయత్నిస్తున్నా ...ఆ పని ఇక్కడ ఒక post రాయడం ...ఆ పోస్ట్ ఎలా ఉండాలంటే ...నాకే పరిమితం కావాలి ...అది వేరెవ్వరికి సంబంధించింది కాకూడదు ...ప్రత్యక్షం గా కానీ పరోక్షం గా కానీ ...నేను నాతో మాత్రమే ఉన్నప్పుడు జరిగింది ..ఎక్కడైనా చూసింది , విన్నది కాకూడదు ...చదివిన విషయం కూడా కాకూడదు ...నా స్వంతం అయినది అయి ఉండాలి ..అది రాసేప్పుడు నా బుర్రలో ఎవరి గురించి ఆలోచనలు రాకూడనిది అయి ఉండాలి ...అది కష్టం అని తెలిసింది ...దానర్ధం "నేను" అనేదే లేదు అనా? అయి ఉండొచ్చు ...కానీ ఉందని తెలుస్తూనే ఉంది ...ఎంచేతంటే నేను లేక పోతే మిగతావి లేవు ...ఉన్నది నేను ఒక్కటే...దాని చుట్టు అల్లుకొన్నవే మిగతావన్ని ...

ఇంతకీ ఈ పోస్ట్ పైన చెప్పిన లక్షణాలన్ని కలిగి ఉన్నట్టుంది :D

భయం

మెళుకువ వచ్చింది ...అప్పుడే ఆరయిందా అనుకొంటూ టైము చూస్తే 3.40 అవుతుంది ..మెళుకువ ఎందుకొచ్చిందా అని ఆలోచిస్తున్నా ...ఇది రైలు వెళ్ళే టైము కూడా కాదు ..నాకు కలలు రావు అని గట్టి నమ్మకం ..మరెందుకు లేచా ఎటూ కాని టైములో ...సన్నగా వినబడుతుంది ...గత అయిదారేళ్లుగా వినబడని శబ్దం ...చిన్న పాప ఏడుపు ...ఆ శబ్దం ఏంటో అర్ధమయ్యాక బిగ్గరగా వినబడుతోంది ...పక్క అపార్ట్ మెంటు లో నుండి ..చాలా కష్టం గా ఉంది వినడం ...బహుశా ఏడుపు అంత బాధతో కూడుకొన్నది విని చాలా కాలం అయి ఉండటం వల్ల కావొచ్చు ...పాపం ఆ పాపకి ఏమి బాధో ...అంతలా ఏడుస్తుంది ...అమ్మ భుజం మీద వేసుకొని ఊరుకో అని ఊరడిస్తూ ఉండి ఉంటుందా? ఒక్క ఏడుపు మాత్రమే వినబడుతుంది అంత నిశ్శబ్దంలో ...ఇక ఆపుతుంది , ఇప్పుడు ఆపుతుంది అని అనుకోబట్టి దాదాపు 45 నిముషాలు అయిందని మళ్లోసారి టైము చూస్తే అర్ధం అయింది ...దాదాపు గంట నుండి పాప ఏడుస్తుంటే ఎవరూ పట్టించుకొన్నట్లు లేరే? కారు స్టార్టు అయిన శబ్దం...అమ్మయ్య హాస్పిటలు కి బయలు దేరారేమో ...కారు వెళ్లి పోయింది ..పక్క ఇంట్లో పాప ఏడుపు ని వదిలేసి ..వెళ్లి తలుపు కొట్టి ఏమన్నా హెల్ప్ కావాలేమో అడిగితే? ఇంత రాత్రి ఎవడో ముక్కు మొహం తెలీని వాడు వెళ్లి తలుపు తడితే తీసి మాట్లాడే రకాలు కాదీ ఈ జనం..పైగా పోలీసు ని పిలిచినా పిలుస్తారు.పాప ఏడుపు ఏ మాత్రం తగ్గకుండా అలానే ఉంది ..ఏమయితే అదవుతుందని లేచి బయలు దేరా..ఈ అవతారం లో చూస్తే ఖచ్చితంగా భయపడతారని తల దువ్వుకొని , బట్టలు సరి చేసుకొని బయటకి వచ్చా...చలి వణికిస్తుంది ...ఏడుపు వినిపిస్తున్న ఇంటి వైపు నడిచా ..అంతలా ఏడుస్తున్నా ఆ ఇంట్లో లైటు వెలగడం లేదు ..అంటే అందరూ ఏడుపు వినిపించనంత గాఢ నిద్రలో ఉండి ఉంటారా? మెట్లదాకా వెళ్ళాక వాళ్లు నన్ను చూసి భయపడతారేమో అని నాకు భయం వేసింది ..వెనక్కొచ్చి ఫాన్ ఆన్ చేసి పడుకొన్నా ... పరిచయమయిన శబ్దం కాబట్టి నిద్ర పట్టింది ...పొద్దున్నే మళ్లీ లేవగానే పాప ఏడుపు గుర్తొచ్చింది ..ఇంకా ఏడుస్తుందా అని విన్నా ...ఆపేసింది :) ...కానీ వీలయితే ఆ పాప ఎవరో చూడాలి ఓ సారి...

విద్యుదీకరణ-చర్చలు-పోప్

మొన్న నాలుగో తారీఖున ప్రియతమ ప్రధాని "రాజీవ్ గాంధీ గ్రామీణ విద్యుదీకరణ యోజన"అనబడే ఒక ప్రాజెక్టు ప్రారంభిస్తూ 2009 కల్లా ప్రతి ఇంటికి విద్యుత్ సరఫరా చేస్తాం అన్నారు . 2009 న మళ్లీ ఈ బ్లాగు చూడాలి ఓ సారి గుర్తు పెట్టుకొని ...నాకో ఆలోచన వచ్చింది మన నాయకులు చేసే వాగ్దానాలన్నిటిని ఎక్కడన్నా బ్లాగు లో ఉంచితే బాగు :)
ఆలోచన అంటే ఇంకో ఆలోచన కూడా వచ్చింది ..ప్రస్తుతం చర్చల సీజన్ నడుస్తుంది ..అన్నలతో చర్చలు , మందుల షాపుల వాళ్లతో చర్చలు , వర్తక సంఘాలతో చర్చలు ..చర్చలు జరిపే ఒక consulting లేదా outsourcing కంపెనీ పెడితే మంచి గిరాకీ ఉండేలా ఉంది ..
TV పెడితే చాలు పోప్ గురించే ఏదో ఒకటి ..మనుషులంతా ఒక్కటే..కానీ దేవుళ్లే వేరు..పోప్ జీవితం నుండి నాకు అర్ధం అయింది అది .

రెస్టారెంటు

విజయవాడ - అలంకార్ రెస్టారెంటు
కడుపు నిండుగా తినేసి చేయి కడుక్కోడానికి వాష్ బేసిన్ దగ్గరకి నడిచా ...చేయి కడుగుతూ ఉండగా వచ్చాడు వాడు ..పది పన్నెండు మధ్య ఉంటుంది వయసు ..పక్క వాష్ బేసిన్ కడుగుతున్నాడు ..చుట్టూ విషయాలేమీ పట్టనట్టు పాట పాడుకొంటూ వాడి పని వాడు చేసుకొంటున్నాడు ..." నీ పేరేంట్రా?" అడిగా .."రాము సార్ " .."ఏ ఊరు ?".."పొన్నూరు " ..."నీకు ఎన్నేళ్లు రా?" "పద్దెనిమిది సార్ " నవ్వుతున్నాడు ..కాదని నాకు తెలుసని వాడికీ తెలుసు అనేది ఆ నవ్వులో కనపడింది ..."చదువుకొన్నావా?" "మూడు దాకా చదివా సార్" ..ఆ విషయం మాట్లాడటం వాడికి ఇష్టం లేనట్టుగా మొహం లో భావాలు మార్చేసాడు ..చదవలేక పోయా అన్న బాధేమో అనుకొన్నా .."చదువు చెప్పిస్తా చదువుకొంటావా?" అడ్డంగా తల తిప్పాడు ."ఏం?" "చదువు నాకు ఇష్టంలేదు సార్ ...నాకు పనే ఇష్టం..ఇది కాకపోతే ఇంకోపని , నాకు ఇష్టం అయింది చేస్తా ..బడికి పోను..నాకు నచ్చలేదు బడి " ....వాడి పని అయిపోయింది ...వెళ్లి పోయాడు లోపలకి ...
చదువు ని పిల్లలకి ఇష్టమయ్యేలా ఎప్పటికి చెప్తారో ??? చదువంటే 8 గంటలు పిల్లలకి జైలు ,పెద్దలకి స్వేచ్చ లా అయింది ..చెప్పిందే చెప్పడం ..రాసిందే రాయడం ..ఇరుకు ..ఉక్క ..నిశ్శబ్దం ..బెత్తం దెబ్బలు ...పరీక్షలు ...రాంకులు ...గొప్పలు ..తిట్లు ...చావులు ...ఇదీ పరిస్థితి....

రైలు

రైలు మరి కాసేపట్లో వస్తుందని వినబడి అమ్మయ్యా అనుకొన్నా ..వినబడినప్పుడు నేను కాకుండా ఇంకో యాభయి మంది ఉన్నారు ప్లాట్ ఫారం మీద ..కనబడే సమయానికి దాదాపు అయిదు వందలమంది అయారు ! ముందుగానే చెప్పారు ఈ రైలుకి చాలా మంది ఉంటారు అని ..రైలు భారీగా నిట్టూరుస్తూ ఆగింది ..అరుపులు కేకలు పరుగుల మధ్య నేను కూడా ఎక్కా...ఇదే మొదటి స్టాపు కావడంతో సీట్లు ఖాళీ గానే ఉన్నాయి ..నేనెక్కిన పెట్టె లో అందరూ ఇరవై ఏళ్ళకి మించని వాళ్లే ...నేను ఆలోచిస్తున్నా ..ఇక్కడ ఏ కాలేజి ఉందా అని ..."పొట్టోడా ,నత్తోడా రా?" అని నా పక్కనున్న కుర్రాడు తలుపు దగ్గరున్న వాళ్లని అడిగాడు..వాళ్లు ఇతనిని పట్టించుకోకుండా వాళ్ల కబుర్లలో ఉన్నారు." అబే ,నీయబ్బ రవిగా ఎవడొచ్చాడు అంటే చెప్పవేంది బే " -- "నీ మామ వచ్చాడు " అందరూ గట్టిగా నవ్వారు . "వాడైతే వాకే ..సట్టోడు అయితే అయిదు రూపాయలు బొక్క " అని నా పక్కనే కూచొన్నాడు ..చేతిలో పుస్తకాలు లేవు ..కానీ అన్నం కారియర్లు ఉన్నాయి అందరి దగ్గరా ..కాళ్లకి స్లిప్పర్లు ..దాదాపు అందరి చేతుల్లో రుమాళ్లు ..జేబులో దువ్వెన ... వీళ్లు చదువుకోడానికి రాలేదని అర్ధం అయింది ..." ఏ ఊరు " అని అడిగా ..."బోనకల్ సారు " అన్నాడు .. "మీదే ఊరు సారు ?" చెప్పా.."ఏం చేస్తారు మీరంతా " .."క్వారీ పనికి పోతాం సారు" .."చదువుకొన్నావా? " "పది పాసయి ఆపేసిన " "ఏం?" " పొలం పండలే ..అప్పులు చేసినం ..అక్క పెళ్లి చేసినం..తమ్ముడు చదువుతున్నాడు .. మా నాన్న ఒక్కడితో ఇళ్లు నడుస్తలేదు ..అందుకే ఈ పనికి పోతున్నా" .."ఎంతిస్తారు రోజుకి?" " ఇస్తారు ఎనభై దాకా ..ఎక్కువ బళ్లు నింపితే ఎక్కువొస్తది ..కానీ కష్టం అయితది " "పనిలో బూట్లు ఇవ్వరా?" " బూట్లా? " తల అడ్డంగా తిప్పాడు ..ఎప్పుడో చదివిన లెజిస్లేషన్ గుర్తొచ్చింది ..కాని అది వాడికి అర్ధం కాదని నాకర్ధం అయింది .."మరి ఇంకా చదివితే వేరే మంచి పని చేసుకోవచ్చు గా?" "అప్పటికి ఆ ఉన్న నాలుగెకరాలు కూడా అమ్మాలి సారు ..అప్పుడు అంత చదివి ఏ ఉద్యోగం రాక పోతే చేసుకోడానికి ఆ పొలం కూడా ఉండదు " నవ్వుతూ చిన్న విషయం లా తేల్చేసాడు ."ఒరేయ్ ..సట్టోడు కూడా ఉన్నాడు" తలుపు దగ్గర నుండి కేక ...మొహంలో మార్పు ..."థూ దీనవ్వ ..ఇప్పుడు వీడికి 10 బొక్క " గొణిగాడు ..."టికెట్ కొనలేదా?" " లేదు సార్ ..వచ్చే ఎనభై లో రాను పోను 10 పెట్టి టికెట్ కొంటే ఎట్ల సారు ...నెలకి మూడు వందలైతే తమ్ముడి స్కూలు కి ఫీజు కైనా ఉంటయి " "మరి పట్టుకొంటే?" " పట్టుకొంటే తలకి పది వసూలు చేస్తడు సార్ " అదేదో మామూలు విషయం అయినట్లు చెప్పాడు ..." వస్తుండారా? ఏ పెట్టి లో ఉన్నడు? " " రాలేదు లే బే ..ఊరికినే అన్నం.." "&****& &***& " బూతులు తిడుతూ తలుపు దగ్గరకి పోయి వాళ్లతో కలిసాడు ...బోనకల్ రాబోయే ముందు వచ్చి కారియర్ తీసుకొన్నాడు ..500 తీసి ఇవ్వబోయా ...అర్ధం కానట్లు చూసాడు ..."తీసుకో మీ తమ్ముడికి ఫీజు కట్టు " " వద్దు సార్ ..అట్ల తీసుకొనేటోడి నైతే ఇదే రైళ్ల అడుక్కొంటూ బతికేటోడిని గద ..పోతున్న సారు " అని తలుపు వైపు నడిచాడు ...